تماجيد و مدائح – 📄

انا ارتل بالانغام   ...   وباقوال بهية   ...    واقول ايضا السلام   ...    لطهرك يانقية

--   +++   --

ذلك قصدا منى   ...   فى طلب الرحمة   ...   من عريسك الابدى   ...    معطى كل نعمة

--   +++   --

كى يلهمنى بقليل   ...   فى وصف عجايبك   ...   ويعطينى الدليل   ...   فى قوة امانتك

--   +++   --

ربحا جزيلا نلت   ...   ياعروسة مولاك   ...   حين بوعظك رديتى   ...    من الكفر اباك

--   +++   --

يالهذة الجسارة   ...   فى وقت وقوفك   ...   قدام الامراء   ...    كلهم ناظرين نحوك

--   +++   --

اقوال حسنة قلتى   ...   على صغر سنك   ...   قدام اعدائك   ...   ومشددة قلبك

--   +++   --

رد عليكى الامير   ...   الاتى لعذابك   ...    انا جتلك يا دميانة   ...    نظير خايف على شبابك

--   +++   --

بالصدق انا اقولك   ...   اتركى عنكى الايمان   ...   واطيعى امر الملك   ...    وضحى للاوثان

--   +++   --

عندة الالات معدودة   ...   لمن يذكر المسيح   ...   وجنودة مشدودة   ...   لمن تيلولة التسابيح

--   +++   --

باعتنى يا دميانة   ...   اليوم اليك   ...   بمدينة الزعفرانة   ...   الحاكم فيها ابيك

--   +++   --

دبرى انفسك امرا   ...   قبل عذابك   ...   واسمعى منى ايضا   ...    وارثى لشيايك

--   +++   --

كيف تتحملى العذاب   ...   وانتى طفلة صغيرة   ...   بالضرب مع النشاب   ...    والات الكثير

--   +++   --

باكر ضحى للاوثان   ...   وانا اشيع ذكرك   ...   واكتب للسلطان   ...   انة يشرف قدرك

--   +++   --

طأطأ الامير راسة   ...   بعد ما خطابها يا اخوان   ...   وعساكرة من حولة   ...    قالت لة حقيقى انك ندمان

--   +++   --

راغب تصدنى   ...   عن عبادة الديان   ...   وبجهلك تضغينى   ...   اضحى للاوثان

--   +++   --

حين سمع الملك الكافر   ...   هذا الكلام منها   ...   امر كل العساكر   ...   يحلو شعر راسها

--   +++   --

نزلوا عليها العسكر   ...   بضرب شديد مؤلم   ...   وهى تقول وتذكر   ...   جيرينى يا مريم

--   +++   --

ستى مريم العدرا   ...   هى اللى تحمينى   ...   من عذابكم ياكفرة   ...    ياعباد الاوثان

--   +++   --

ليست الاوثان تنفع   ...   يوم نصب الميزان   ...   والالهة لم تسمع   ...   طلبات الانسان

--   +++   --

نعم انك اعمى   ...   وطاغيك ابوك الشيطان   ...   لتسكن معة فى الظلمة   ...   واللهيب مع النار

--   +++   --

رد عليها الامير   ...   باقوال لينة   ...   انا جيتلك نظير   ...   خايف عليكى يا دميانة

--   +++   --

اسمعى قولى الصحيح   ...   واحفظية فى صميم قلبك   ...   ان ماتركتى المسيح   ...   انا حاضر لعذابك

--   +++   --

فى الحال لما سمعت   ...   كلام الكافر   ...   قامت لوقتها ورفضت   ...   الهتة بالرب القادر

--   +++   --

ياويلك ياظالم   ...   انا اليوم فرحانة   ...   بخروجى من العالم   ...    لست بحزنانة

--   +++   --

مكث يعذبها   ...    مدة تلاتة سنوات   ...   كل يوم يطالبها   ...   بعبادة المصنوعات

--   +++   --

ربطها فى اذناب خيل   ...   ودار بها حول المدينة   ...   ونزل دمها كالسيل   ...    والعذارى عليها حزينة

--   +++   --

القوها فى جب ظلام   ...   وحرس عليها العسكر   ...   وبات ليلة بتمام   ...   فى امرها يتفكر

--   +++   --

هل النور وبان   ...   طلب الامير حضورها   ...   وللوقت نخسة الشيطان   ...   باخذ راسها

--   +++   --

اخذت راسها الطاهرة   ...   فى ثالث عشر طوبة   ...   وصعدت بمسرة   ...   للديار المحبوبة

--   +++   --

نسالك تشفعى فينا   ...   ياعروسة الديان   ...   ياعفيفة يادميانة   ...   يوم نصب الميزان

--   +++   --

السلام لكى ياراهبة   ...   ياعبدة الديان   ...    السلام لكى ياناسكة   ...    الان وكل اوان

--   +++   --

تفسير اسمك فى افواة   ...   كل المؤمنين   ...    الكل يقولون يا إله   ...   القديسة دميانة اعنا اجمعين

--   +++   --