ترانيم أطفال – 📄

- القرار -

انبا برسوم العريان   ---   وحكايته مع التعبان (2)

ياللا بنا نعرفها قوام   ---   ياللا بنا نعرفها قوام

ونمجد إلهنا  ---   الحنان، الحنان

--   +++   --

1- لما كان زواره كتير   ---   راح يهرب من الشوشرة

فى كنيسة القديس مارقوريوس   ---   وكان فيها مغارة

---

جوها تعبان كبير   ---   والناس خايفة ومحتارة

ولما جه أنبا برسوم    ---   تعالوا وشوفوا إيه جرى

--   +++   --

- القرار -

--   +++   --

2- صلى ورشم الصليب   ---   راح وقال له: أأمرك

باسم اللي خلقك يا مبارك   ---   أقف هنا مكانك

---

لما راشمه بالصليب   ---   في الحال زالت طبيعته

وأظهر التعبان طاعته   ---   لصليب واسم اخرستوس

--   +++   --

- القرار -

--   +++   --

3- كان القديس بيغذيه   ---   ياكل، يشرب من إيديه

ولما يقف للصلاة   ---   يبعد حالًا من حواليه

---

ولما كان زواره كتير   ---   والتعبان مخيف وكبير

يامره يبعد في الحال   ---   فيطاوعه من غير تفكير

--   +++   --

- القرار -

--   +++   --

4- ودي حكاية القديس   ---   برسوم مع التعبان

عرفناها وفهمناها   ---   يالا نِفهم معناها

---

إللي يقول أنا هاصلي   ---   مهما يكون أو يحصللي

عمر ما فيه قوة تهزه   ---   ربنا بيسندوا تملّي

--   +++   --

انبا برسوم العريان         وحكايته مع التعبان

انبا برسوم العريان         وحكايته مع التعبان