تفسير سفر الرؤيا - حـ 15 ✟ الانبا رافائيل فى ها أنا أتى سريعا
بسم الاب والابن والروح القدس الاله الامين .
مقدمة
احنا وصلنا لغاية رؤية الابواق . وقلنا كان في رؤيا عن الكنايس السبعة بتشرح تاريخ الكنيسة . رؤيا عن ختوم سبعة شرحت ما يقابل الكنيسة في مسيرتها ناحية الابدية . وبعدين دخلنا في الابواق السبعة اللي هي ارتبطت باخر ختم . الختم السابع اول ما اتفتح بدأت الابواق السبعة . وشفنا ان في سبع ملايكة واقفين قدام الله اللي هم سبع رؤساء الملايكة . وهم اللي اخدوا الابواق عشان يعلنوا اعلانات الهية لتنبيه الناس علشان يقدموا توبة .
قبل ما الملايكة يبوقوا جاء ملاك اخد النار من على المذبح ورماها على الارض وقلنا الملاك ده يرمز للسيد المسيح اللي هو ملاك المشورة العظمى اللي ارسله الاب من اجل خلاص البشر وبسبب تجسده صار واحد مننا بالاضافة لانه اصلا واحد من الثالوث القدوس فصار هو الرابط بينا وبين الله الثالوث . وعشان كده هو ارسل لنا روح القدس اللي هو النار التي القيت من على المذبح . عشان يملى العالم بالصوات اصوات الكرازة والرعود اللي هي الاصوات اللي بتخوف الناس عشان يسيبوا الوثنية ويرجع المسيحية والبروق اللي هي بتزغلل الناس عشانهم ذهنهم للسماء والزلزلة اللي هي زلزلة العبادات الوثنية القديمة ودخلتنا في الايمان المسيحي .
بعد ما المسيح القى الروح القدس تبوق تهيأ الملايكة السبعة عشان يبوقوا بالابواق . وخدنا الملاك الاول لما بوق حدث برد ونار مخلوطان بدم . والقي للارض فاحترق ثلث الاشجار . واحترق كل عشب اخضر . هنا الاشجار ترمز للبشر . والعشب الاخطر بيرمز وجه الخصوص للناس الاشرار اللي هم بسرعة ينمو لكنهم سريعا برضه ما يحترقوا وتنتهي . نشوف الحقيقة كده ناس تلاقيه فجأة كده علي وارتفع واغتنى وبقى له مكانة وله موضع . في المجتمع وعنده ممتلكات من النصب ومن الخطية . وهنا على طول ينهزم كعشب السطوح والذي ييبس قبل ان يقطع .
لما قال انه هيحرق تلت الاشجار معناها في نوع من الشفقة الالهية على الانسان . انه مدي فرصة للتلتين هم يتوبوا . وطبعا بكل تأكيد الله له حكمته . و ما فيش حاجة هيعملها بعشوائية ولا بظلم حاشا . لكن الاشجار اللي هتتحرق دي معناها بشر يستاهلوا فعلا العقوبة الالهية بسبب شرها .
الملاك التاني بقى ده الجزء اللي احنا هندرسه النهاردة . في رؤيا تمانية تمانية .
ثم بوق الملاك الثاني . فكان جبلا عظيما متقدا بالنار القي الى البحر . فصار ثلث البحر دما . الجبل العظيم ملتقط بالنار دوت يرمز لانسان كبير . جبل . الجبل دايما يتصف بالثبات والشموخ المخافة . يعني دايما الجبل يبقى موحش . الواحد لو مشي في جبل حاسس بالخوف . فهو جبل عظيم متقد بالنار يعني متحمس جدا القي ال البحر . البحر هنا طبعا يرمز للعالم المتقلب والمالح واللي بيغرق صار ثلث البحر دما برضو دايما لما بيتكلم عن التلت معناها في فرصة للتلتين ان هم يتوبوا .
فى سفر ارميا بيقول كلمة ضد اي انسان عامل نفسه جبل وان هو يتسلط على الناس وفي ايده انه يوافق او يرفض ياما ناس تلاقيه موظف صغير لكن في ايده التوقيع او الختم ويخوف الوزير نفسه . يقول له يا سعادة الباشا لو وافقت الطلب ده هيحصل مشكلة وحضرتك ممكن تتعرض لمحاكمة وسجن خاف . موظف صغير عمل نفسه جبل . هنا بقى ارميا يقول ايه هانا عليك ايها الجبل المهلك عليك يعني ضدك . يقول الرب . مين بقى جبل مهلك ؟ المهلك كل الارض . طبعا ده الشيطان . فامد يدي عليك وادحرجك عن الصخور . انت مفكر نفسك جبل ده ربنا يزقك كده بصباعك . واجعلك جبلا محرقا . بدل ما كنت انت بتحرق هتبقى انت اللي اتحرقت . فلا يأخذون منك حجرا لزاوية . ولا حجرا لاسس . تكون خرابا الى الابد يقول الرب . تخيلوا بقى لما يكون جبل مفيد الناس بتقطع منه حجارة عشان تعمل بيوت وتبني اساسات . وبعدين جه يحترق هذا الجبل . يحترق حتى الواحد لو اخد منه حجر هيلاقيه ما ينفعش . اساس ولا حجر زاوية يبقى خراب الى الابد .
ويقول في عاموس هكذا اراني سيد الرب والى السيد الرب قد دعا للمحاكمة بالنار فاكلت الغمر العظيم واكلت الحقل . الله بيترك الناس ويطول باله ويطول باله ويطول باله لكن في الاخر ايده شديدة مخيف هو الوقوع في يدي الرب . ممكن الناس تخدع بعضيها وممكن الناس تتسلق على اكتاف بعضيها . ممكن تلاقي الظلم بين واضح . ما حدش قادر ياخد حق ولا باطل . لكن في الاخر ايد ربنا اقوى من الكل . واللي عمله الملاك في البوق بتاعه دوت والجبل العظيم اللي وقع في البحر يفكرنا بالجامات اللي لسه هندرسها .
ثم سكب الملاك الثاني جامه على البحر فصار دما كدم ميت . وكل نفس حية ماتت في البحر . لاحظوا هنا في التامن بيقول تلت البحر بقى دم في الاصحاح ستاشر هيقول كل البحر هيبقى دم كدم ميت وكل الكائنات الحية اللي في البحر هتموت . اشارة بقى ايه ان العقوبات بتاعة ربنا للبشر بتمشي بطريقة متدرجة .
الهدف منها الناس الى التوبة .
فحزقيال يقول ايه ؟ او ان ارسلت وباء على تلك الارض . وسكبت غضبي عليهم بالدم . لاقطع منها الانسان والحيوان . وفي وسطها نوح ودانيال وايوب . فحي انا يقول السيد الرب انها يخلصون ابنا ولا ابنا . انما يخلصون انفسهم ببرهم . يعني ايه النص ده فحزقيال اربعتاشر ؟ ده مهم جدا .
معناها ان في شفاعة للقديسين . طبعا نوح ودانيال وايوب ما كانوش عايشين في جيل واحد . نوح من بداية الخليقة وايوب دوت قبل ابراهيم . ودانيال ده ايام السبي . ومع ذلك التلاتة دول رجال محبوبين جدا عند ربنا . يعني طلباتهم لا ترفض . لكن بيجي لحظة معينة . ربنا يقول انه زعل بتاعي اعظم من ان يتشفع احد . الاية دي بتسبت شفاعة قديسين اللي انتقلوا لان في ناس يقولوا الشفاعة ممكن احنا نصلي من اجل بعضنا طول ما احنا عايشين على الارض . لكن متى انتقل الانسان ما لوش شفاعة ؟ هنا بتقول لا ده لما يكون نوح ودانيال و ايوب جايين يتكلموا معي ناس انا هسمع الكلام . لكن الناس دول بالذات مش هسمع . ليه يا رب مش هتسمع ؟ قال لان شرهم عظمة جدا على الارض . فما فيش شفاعة تنفع فيها . عشان كده هيبقوا زي جبل . عظيم متقد بالنار ويطرح في البحر . صار ثلث البحر دما ومات ثلث الخلائق التي في البحر التي لها حياة واهلك ثلث السفن . طبعا الكائنات البحرية في منها كائنات لها حياة زي الاسماك والحيتان . كل ما يتحرك في المياه . وفي حاجات في البحر ما فيهاش حياة زي القالق والحاجات دي . هنا قال ان الكائنات التي لها حياة هتموت . وبرضو لما قال تلت الخلائق معناها في فرصة للتلتين التانيين . كل حاجات رمزية . ترمز للانسان . احنا عايشين في العالم . فيما ناس اه زي ما يكون واحد عايش على سطح البحر لانه راكب سفينة . فما ما البحر لا يمس ولا حتى يتبل هدومه . ودي الناس المؤمنين اللي راكبين جوة سفينة الكنيسة فوق البحر . ما يغرقوش وما وما يتلوثوش بتلوثات البحر . ودول لما تيجي الضربات مش هتيجي عليهم . لكن في ناس غرقانين جوة البحر . ويظنوا انهم عايشين زي الخلائق البحرية . وهو مختلط بالعالم مبلول به . ده لما تيجي الضربات تموته . لانه اصلا ميت لانه تقيل عنه لك اسم انك حي وانت ميت.
اما حكاية السفن . السفن دايما ترمز للتجارة . لان كان زمان اه ويمكن لغاية دلوقتي معظم الناس اللي بيسافروا من اجل التجارة . يعني ايه اللي يخلي واحد يسيب بيته يسافر بلد بعيدة ده ؟ طبعا فيه فسح وفيه تعليم . فيه ناس بتسافر عشان تتعلم لكن كان زمان الهدف من السفر هو التجارة . فالسفن ترمز لاعمال العالم التجارية . لما يقول اهلك ثلث السفن معناها اعمال الناس دي هتتعطل بس . برضو رقم التلت معناها في امل ورجاء للتلتين التانيين . كل ده كان الايه البوق التاني .
ثم بوق الملاك الثالث فسقط للاسف من السماء . كوكب عظيم متقد كمصباح . ووقع على ثلث الانهار وعلى ان يبيع المياه . دي بقى حاجة غير الجبل . الجبل قلنا انسان ممكن يكون ملك عظيم راجل له سلطان له تأثير واحد مفكر خلى الناس كلها تنجذب اليه لما بيسقط بيوقع معها الناس . المرة دي قال كوكب وعظيم ومتقد كمصباح يعني منور ومن السما فقط ياه ده معناها ان في واحد في الكنيسة هيبقى زي الكوكب ربنا يحمينا ومنور والناس فرحانة به وبيعلم وحاجة كويسة كوكب في الكنيسة في السما سقط . كوكب عظيم الطاقة كمصباح . عشان كده الاولاني الجبل وقع على البحر اللي هو العالم . هنا وقع على الانهار . الانهار هي الكنيسة . ويا نبيع المياه . الماية العذبة اللي بتروي الناس . هذا الكوكب سقط . على مية الكنيسة على التعليم بتاع الكنيسة . عامل زي ما فيه اصحاح تسعة هنشوفه في الملاك الخامس يقول رأيت كوكبا قد سقط من السماء الى الارض . واعطي مفتاح بئر الهاوية ففتح بئر الهاوية .
للاسف كوكب من السماء يقع معناها على طول واحد من قادة الكنائس في العالم . يفتح بئر الهاوية تخيل! بئر الهاوية معناها فتح لنا باب جهنم . فصعد دخان من البئر كدخان اتون عظيم . ايه الدخان ده ؟ دخان . التعليم الوحش . فاظلمت الشمس والجو من دخان البئر . تخيل دخان البئر هو التعليم الفاسد . اللي بينتشر في الكنيسة بواسطة ناس كواكب . هيغطي على نور الشمس فالناس تنحجب عنها المعرفة السليمة .
عشان كده اشعياء بيرثى هذا الكوكب لان الكلام ده اتقال على الشيطان زمان الكلام اللي قاله اشعياء اربعتاشر ده اصحاح اربعتاشر بيقول كيف سقطت ما سماء يا زهرة ؟ بنت الصبح كيف قطعت الى الارض يا قاهر الامم . وانت قلت في قلبك ما هو ده الكبرياء . اصعد الى السماوات ارفع كرسي فوق كواكب الله اجلس على جبل الاجتماع في اقصى الشمال . ده الشيطان .
الكبرياء والاحساس بان انا احسن من غيري وانا بس العارف وانا المرجع . يسقط . في رويا ستاشر هيقول سكب الملاك السالس جامع الانهار وعلى ينابيع المياه فصارت دما . المشكلة بقى لما يقول اسم الكوكب يدعى الافسنتين . فصار ثلث المياه افسنتي ومات كثيرون من الناس من المياه لانها صارت مرة .
الاسفنتين ده معناه حاجة مرة . انا متوقع لما يقول اسم الكوكب افسنتين . يبقى تلت مياه افسنتينيا . لكن ده قال تلت مية فاهمين الفرق بين الكلمتين يعني لما اقول الدهب لما الدهب ده نطلي به حاجة تبقى دهبي مش تبقى دهب فالافسنتين مفروض لما يلوث الماية تبقى الماية افسنتينية نتيجة الافجنتين اختلط بيها لأ الماية تبقى افسنتينيا زي اللي اترمى فيها . فقدت طبيعتها كمياه بقت مر . نتيجتها مات كثيرون من الناس من المياه لانها صارت مرة . ما هي المياه المرة الا التعليم الهرطوقي ؟ ومات كثيرون من الناس بسبب ان هم اعجب بالافسنتين . اعجبوا بالكلام المنمق والمزخرف شكله ان هو جميل وجاي من كوكب عظيم . كوكب اسمه الا فسنتيني اسمه المر . عشان كده ارجوكم لا تنبهروا بزخرفة الكلام وحلاوتها . خلينا في الانجيل .
شوفوا اللي حاصل ده عكس اللي حصل في العهد القديم ايام موسى . يقول لك فجاءوا الى مارة منطقة اسمها مارة . لم يقدروا ان يشربوا ماء من مرة لانه مر . عشان كده دعي اسمها مرة . فالناس بقى تتزمر . وقالوا لموسى ماذا نشرب ؟ فموسى صرخ للرب يا رب عمل ايه مع الناس دي ؟ فاراه الرب شجرة . الشجرة دي رمز للصليب . فطرحها في الماء فصار الماء عذبا . يعني التعليم بالصليب بي التعليم بتاع الهراطقة وبتاع الفلاسفة يتحول الى تعليم خلاص . عشان كده المر يبقى حلو بالصليب . والحلو يبقى مر بالهرطقة . افسنتين . نتيجة ان الناس بتحب دايما الشوك دايما حاجة غريبة تحب دايما تمشي في اتجاهات معاكسة يعني في عند الناس مش كل الناس طبعا محبة المعارضة ده في واحد لما تتكلم معه يقول لك لا لا مش قصدي لا لا لأ مش كده صح يعني دايما اول ما تقول له اي كلمة يقول لك لا لأ في انسان وكده . انا بصراحة بتكلم مع واحد بالطريقة دي خلاص بسكت بقى . يعني ادي له فرصته يقول اللي عايز يقوله . لان هتناقش ايه ؟ ده انت احيانا تتبنى الفكرة اللي هو بيقولها يعارضها . فدي غاية عند بعض الناس .
عشان كده دول ربنا قالهم ايه ؟ هكذا قال الرب رب الجنود على انبياء . ها انا ذا اطعمهم افسنتينا واسقيهم ماء العلقم . لانه من عند انبياء اورشليم خرج نفاق في كل الارض . نتيجة ان الناس دية محبة للتعليم الغلط . ربنا يقول خلاص يسلمهم لذهن مرفوض و يشربوا .
18
ما تخافوش الكنيسة مليانة ناس امناء . اساقفة وكهنة ورهبان وشمامسة وخدام وعلى رأسنا قداسة البابا . كل دول امناء . في الوسط هيبقى في ناس طبعا اللي هو التلت . ناس عايزة تمشي في سكك غلط انت حر . قدامك حياة وقدامك موت . اختار الطريق اللي وصل للحياة . للاسف كمان لما يكون قائد في الكنيسة وماشي في سكة غلط بياخد معه ناس تانيين . بس احنا ما نمشيش زي قطيع الخرفان . لازم يبقى عندنا عقل ونميز صوت ربنا ؟ ومين صوت الشيطان ؟ صوت ربنا فيه الوداعة والهدوء والاحترام وفيه قبول الاخر وفيه مناقشة هادية وفيه احترام لرأي الاباء وفيه احترام للاباء اللي علمونا وفيه احترام للكتاب المقدس فيه احترام للنصوص اللي بنتعلم من التاني تلاقي الكبرياء والاحساس بالتميز وان الباقيين كلهم غلط وانا بشهد واتكلم صح . افة بتصيب الانسان اللي ما فيهوش روح ربنا .
ثم بوق الملاك الرابع فضرب ثلث الشمس وثلث القمر وثلث النجوم . حتى يظلم ثلثهن والنهار لا يضيق ثلث والليل كذلك . طبعا دي ضربة برضه فيها ظلام بس نشكر الله انها لغاية دلوقتي التلت بس . معناها في تلتين لسة حياتهم منورة . سواء بالنهار بالشمس او في الليل بالقمر والنجوم . والنهار فيه ناس من وناس مضلمة والليل فيه ناس مضلمة وناس منورة .
ارجو للسامعين معي ان احنا نطلب من ربنا يخلينا دايما في التلتين اللي لسه في الامان . ونستمر الى النهاية امناء كن امينا الى الموت . فساعطي ليلة الحياة . والضربات دي ولا تؤثر فينا ولا تهز لنا شعرة . ليه ؟ لان احنا شفنا في شعب الله القديم ازاي كانت الضربات تصيب المعتنيين ؟ اما شعب الله يبقى في امان .
اخر حاجة بقى في الاصحاح دوت
ثم نظرته وسمعت ملاكا قائلا بصوت عظيم . هنا بقى اخر انذار ربنا بيبعته عن طريق ملاك بيطير في وسط السما .
وقال ويل ويل للساكنين على الارض من اجل بقية اصوات ابواق الثلاثة يعني اللي حصل في الاربع ابواق اللي فاتوا كوم واللي جايين في التلاتة كوم تاني . فالملاك بينبه ويل ويل ويل للساكنين على الارض . طبعا انت مش ساكن في الارض . انت ابن ربنا . انت محب للمسيح تبقى ساكن في السماء . انت ساكن في الاعالي مع ربنا . دماغك فوق مش في الارض . حياتنا كلها ان كنتم قد قمتم مع المسيح فاطلبوا ما هو فوق حيث المسيح جالس . هذه الويلات ليس لنا . لكنها للساكنين على الارض . يعني معناها مرتبط التراب في الشهوات بالممتلكات الدنيا شغلاهم ولا حاجة في السما تلفت نظرهم . انت لما تكون حتى عايش على الارض برجليك بس هي اللي بتدوس الارض . لكن ذهنك في السما . وحتى مساعيك في الارض انت بتخدم الناس يعني واحد بيشتغل عشان يخدم الناس . فين دلوقتي المظهر ؟ يعني واحد مدرس واحد دكتور واحد محامي واحد مهندس . تخيل لما يكون كل فكره ان يقدم خير للناس . وفي الاخر الفلوس اللي جاية له دي خير من عند ربنا . مش انا شغال عشان انهب كل واحد يحط ايده في جيب التاني . كل واحد يعلي السعر بتاعه علشان يعرف يعيش . طب والناس الغلابة ؟ لا ما حدش يفكر في حاجة . طب اعمل خدمة لوجه الله لأ احنا مش فاتحينها ملجأ .
ففي انسان نازل يشتغل بهدف انه ياخد فلوس . ويمجد ذاته . وفي انسان ولا على باله الحكاية دي وانا عارف ناس كتير كده . ان انت نازل تخدم مش بس في الكنيسة في المجتمع . موظف قاعد في شباك بيقابل الجمهور بمنتهى الرحابة وبمنتهى الابتسامة ويخلص . وما يعطلش الدنيا . ده عظيم عند ربنا حتى لو كان الدخل بتاعه قليل لكن فيه بركة في البيت . واحد تاني لأ لازم يعقد الدنيا . ولازم ياخد رشوة . طب ده هيقابل ربنا ازاي ؟ اللي هو قدامه الحاجة يخلصها بتوقيع ولا بختم ؟ هو بيلف في الانسان حوالين عشان يخلص له حاجته .
ويل ويل لويل للساكنين على الارض . ليه ؟ لان لسه هيبقى فيه اصوات ابواق تلاتة هناخدها لما نجتمع المرة الجاية هيعملوا ايه دول في الناس ؟ الاشرار . عشان كده الاسقف فيكتوريانوس بيقول ان النسر الطائر يرمز للروح اللي بيحمل الشهادة في الانبياء بان في غضب وعذابات شديدة صارت على الابواب . ان اراد الانسان ان يتوب فسيخلص . حتى وان كان في اواخر الدهور . يعني ربنا بيدي فرصة لغاية اخر نفس . اللص اليمين قال له اذكرنى يا رب ومتى جئت في ملكوتك ؟ قال له اليوم تكون معي في الفردوس . ما قالوش الاول هنعمل كذا ولا نسوي ؟ هي كلمة واحدة خلت ربنا يرضى عليك . عشان كده باب التوبة مفتوح لغاية اللحظة اللي فيها الانسان يموت . او لغاية اللحظة اللي فيها المسيح وهو جاي على السحاب باب التوبة اتقفل . خالص ولا هيقدر انسان يشوف المنظر ده يدوب ويبقى قبول . عشان كده قدامنا فرصة ان احنا نقدم توبة من دلوقتي ونعيش حياة نقية ونقول له يا رب احنا ضعفاء . اسندنا عشان نخلص . توبى فاتوب . يقوم ربنا ينقذنا من الغضب الاتي . ربنا يبارك حياتكم لالهنا المجد الدائم الى الابد امين.
ladlamp
يسعدنا ان نقدم لكم كل ما يخص المحتوى القبطى باستمرار – كما نتمنى منكم دعمنا و تشجيعكم لنا من خلال مشاركتكم و تعليقاتكم على محتوى موقعنا – حتى نستطيع تقديم المزيد بشكل مستمر
فتابعونا دائما على [ ladlamp.com ]