يقول ابونا بولس كلنا عارفين ان اى محاسب بيكون عنده ميزانية وحاجة اسمها الميزانية الختامية ولكن عشان المحاسب يوصل للميزانية عنده حاجات كتر لازم يعملها واحنا هناخذ بعض الامور من فكرة المحاسب ونطبقها على حياتنا الروحية
- يعرفنا ابونا بولس انواع من دفتر يومية لحياتنا الروحية
1- تقديم التوبة لحظة بلحظة :
ويقول ابونا بولس ان المحاسب عنده دفتر اسمه "دفتر اليومية" وهو دفتر يسجل فيه كل يوم كل معاملة تمت وكل مال دخل او خرج من خزنته ودفتر اليومية نتعلم منه حاجة مهمة فى حياتنا الروحية وهى ان التوبة لا تؤجل لان زى مالانسان بيكون حريص فى حسابات الاموال ويسجل كل شئ احنا لازم نعمل كدا نسجل كل خطية وكل فكر لا يرضى ربنا وكل شرود وكل كلمة باطلة نعطى عنها حساب ونسجلها لكى نتوب عنها
والانسان الروحى الحقيقى يكون دقيق جدا ونقول فى القداس الالهى "كل فكر يا الله محب البشر لا يرضى صلاح فليبعد عنا" لذلك الانسان الروحى يحاسب مفسه عن كل فكرة ويقدم توبة لحظية والقديسين عاشوا كدا فى نفس اللحظة الى بيغلطوا فيها بيقدموا توبة حتى لو كانوا فى انفعال او مضايقة وكن فى اللحظة اتى يهدأ فيها يرفع قلبه بالتوبة ويقو "ارحمنى يالله كعظيم رحمتك"
2- التوبة اليومية :
يقول ابونا بولس يوجد فى البنوك شئ اسمه حساب اليومية وهذا الحساب قوم به المحاسب قبل ان يغادر العمل ولا يقدر ان يغادر العمل قبل ان ينتهى من هذا الحساب ونتعلم منه ان الانسان لا ينام قبل ان يقفل حساباته مع ربنا بمعنى انه يقول لربنا كل حاجة بعملها فى يومه ويذكر حطايا اليوم وكل شرود فى الفكر وكل انفعال وان يطلب من ربنا ان يسامحه
ويقول ابونا بولس طوباه الانسان الذى يعرف ان يقدم التوبة اليومية او يشتغل فى دفتر اليومية
3- التوبة فى فترات زمنية محددة :
يقول ابونا بولس ان الانسان الى عنده دفتر يومية وبيقدم حساب يوم بيوم بيكون كل حسابات ليها صفة معينة بتوضع فى دفتر معين باسم دفتر استاذ مثلا "دفتر استاذ المخازن او دفتر استاذ البنك" ومن الناحية الروية نستفاد ان الانسان عندما يحاسب نفسه كل يوم ده شئ جيد ولكن يجب ان يقوم بمحاسبة دفتر الاستاذ بمعنى انه يبدأ يحط الخطايا الى بيوقع فيها كتير تحت عناوين والفائدة من هذا ان الانسان فى فترات الصوم يحدد وحدة من هذه الخطايا ويخصص لها الصوم لكى يتوب عنها ويخلص منها ويجاهد فيها وهذا بمعنى ان يبدأ الانسان يخطط لخطايا معينة تسيطر عليه ويحاول ان يقدم عنها توبة كل فترة زمنية محددة
4- حساب الارباح والخسائر:
يقول ابونا بولس يوجد شئ اسمه حساب الارباح والخساير بمعنى ان الانسان الروحى مش بيمشى منغير نظام او ترتيب لان بيكون عنده فترات يجلس فيها مع نفسه ويحاسبها ويقول "ياترى الفترة اللى فاتت انا ناميت فيها مع ربنا ولا اتاخرت فى علاقتى مع ربنا " ويحاسب نفسه اذا كان كسب بانه قراء كتاب روحى او قراء سفر فى الانجيل لم يقراءه من قبل واذا كانت خدمته زادت او قلت وهذا هو حساب الارباح والخسائر ومن الجيد ان الانسان كل فترة مثلا كل ثلاث اشهر يحاسب نفسه حساب الارباح والخسائر لان اوقات الانسان بيبعد شوية بشوية عن ربنا دون ان يشعر ولكن الذى يكشف له البعد هو حسابه لمكسبه وخسارته
5- حساب نهاية السنة :
يقول ابونا بولس اخيرا هنتكلم عن الميزانية العمومية وهى عمل جرد فى نهاية السنة التى فاتت وكل علاقاتنا مع كل الناس خلال السنة وحساب عن الناس الى خسرناها والى اى مدى كنا مسؤلين عن ان نخسرهم ونسال نفسنا اذا انت هذه الميزانية تصلح ان نقف بها امام ربنا يسوع ونقول اللى قاله المسيح فى يوحنا "ان الذين اعطيتنى لم يهلك منهم احد"
ويقول ابونا بولس ان دفتر اليومية هو عبارة عن سلسلة من التوبة فى كل يوم وكل حظة وفى كل فترة ولازم نعرف احنا بنكسب ولا بنخسر وفى النهاية نقف قدام ربنا ونقدمله كشف دينونة وهى ما نسميها الميزانية الختمامية التى ننهى بها حياتنا امام ربنا