ثمر الايمان:
1- ثمرة الاعمال: يقول القديس يعقوب "ايمان بدون اعمال ميت" بدون عمل لا يعتبر ايمان فالايمان يجب ان يكون كما قال الكتاب المقدس "عامل بالمحبة" المؤمن يكون محب والرب يسوع قال " ساجازى كل واحد بحسب اعماله" وكان يتحدث عن المؤمنين وسيرث الملك من قال لهم"لانى جعت فاطعمتمونى وعطشت فسقيتمونى" فالايمان شئ اساسى لدخول السما "فبدون ايمان لا يمكن ارضاؤه" ولكن يجب ان نعمل اعمال صالحة ايضا "فيرى الناس اعمالكم الصالحة فيمجدوا اباكم" عشان كدا ربنا بيحاسب الانسان على الايمان اولا ولكن هيحاسبه اذا كان الايمان مرتبط باعمال ولا ايمان بدون اعمال
2- ثمرة حياة التسليم: وتعنى ان يسلم الانسان كل حياته لربنا مثل مزمور ال 73 لاساف فى بداية المزمور اساف اتحارب بالعقل والشك لدرجة انه كان على وشك الالحاد فصلى لربنا فبعد الصلاة بدء يقول "معك لا أريد شيئا في الأرض" فعندما تكلم مع الله اصبح لا يريد شئ من الدنيا وانه يسلم كل حياته لربنا
فحياة التسليم من احلى الامور فى الحياة الروحية لان الانسان يختبر وجود ربنا ويسلم ليه اموره ولكن يجب ان نعلم ان الطاعة تسبق التسليم
3- ثمرة السلام والفرح: الانسان اللى عنده ايمان دايما فرحان لانه سلم حياته لربنا فيكون المقابل السلام والفرح
فالفرح والسلام عكس القلق والقلق ياتى من التفكير والاحساس بانه انا المسؤال عن حل مشاكلى بنفسى وعدم تسليم الامور لربنا لكن اذا سلمنا حياتنا لربنا وطاوعناه فى كل شئ فنشعر بسلام ولا نقلق ابدا عشان كدا السلام والفرح من ثمر الايمان
4- ثمرة او بركة رؤية الله: الانسان المؤمن عنده القدرة على رؤية ربنا فى الاحداث اكثر من اى شحص تانى لان الانسان الغير مؤمن رافض ربنا فحتى لو ربنا عمل معاه معجزة مش بيشوف ربنا اما الانسان المؤمن بيتعزى دايما بانه شايف ربنا وشايفة يعنى حاسس بوجوده فى كل امور حياته
5- ثمرة الكرازة: يعنى احنا بنؤمن بالمسيح ونؤمن ان المسيح مخلص تؤمن ان المسيح اتى ليفدى العالم ونؤمن ان المسيح يريد خلاص كل النفوس وبرغم من كدا
احنا لما بنتكلم فى حياتنا بنتكلم ونحكى قصص ونتكلم ونحكى خناقات ونتكلم ونحكى مشاكل فى الشغل
لكن مش بنحكى عن المسيح وعن جماله مش بنتكلم عن كلامه وامثاله وعن الاسرار وعن الاعتراف والتوبة فنحن جميعنا مقصرين فى عمل الكرازة
فالعمل بالكرازة مش بالضرورة يكون اننا نسافر لبلاد اخرى لنبشر او نمشى فى الشارع ونبشر لكن الكرازة هى محبة ربنا لان الانسان الى بيحب ربنا بيتكلم مع ربنا وبيتكلم عن ربنا فالمؤمن الحقيقى لازم يكون بيتكلم عن ربنا
- ويختتم ابونا بولس جورج برنامج بدون عنوان بان الشخص الذى يشعر بضعف ايمان يقول لربنا
" اؤمن يا سيدى فاعن ضعف ايمانى"