ابونا بولس جورج الراعى الصالح 21 10 2016 بعنوان لا تحسد اهل الشر ـ fr Pouls -
يحدثنا ابونا بولس جورج عن اية فى سفر الامثال يقولها سليمان الحكيم لاحد ابنائه او تلاميده فيقول سليمان الحكيم " لا تحسد اهل الشر ولا تشته ان تكون معهم "
والمعنى المقصود لا تغير من اهل الشر لان احيانا نشعر بالغيرة من اهل الشر ونتمنى ان تكون منهم لان توجد اشياء تغرى الانسان ليكون وسط الاشرار
وهى القوة والنفوذ فبالمال يقدروا ان ياخذوا ما يريدوا والغنى والتمتع فنجدهم يعيشوا فى حياة رفاهية وتمتع ونحن نشعر بان الابواب امامنا مغلقة فيكون عندنا انين من وضعنا وظروف العيشة الصعبة وحنين الى وضع عيشة الاغنياء فنبدء نقارن بينا وبينهم ونشعر بالغيرة ونبدء نحسد اهل الشر وتبدء حرب من الشيطان علينا لاننا ننظر الى اهل الشر ونتمنى ان نكون منهم ونبدء نتذمر على ربنا لذلك الاية تنصحنا بان " لا تحسد اهل الشر "
ويقول ابونا بولس جورج اسباب تجعلنا لا ننخدع ولا نحسد اهل الشر :
1 - انظر نهايتهم : فالكتاب المقدس يقول " صاروا للخراب بغتة اضمحلوا فنوا من الدواهى " مشكلتنا اننا ننظر الى الحاضر الان ولا ننظر الى النهاية
وامثلة على ذلك قصة الغنى ولعازر فالغنى كان يملك كثير من المال ولكن لا يعطى لاحد منه ولعازر كان شخص فقير يجلس على باب الغنى ولم ينظر له الغنى ولم يساعده وبالرغم من ذلك لعازر كان يحب الله ولم يحسد الغنى فاذا كان لعازر حسد الغنى واتحارب من الشيطان وسمع ليه كان خسر احضان القديسين ولكن لعازر احب الله ففى النهاية فاز بالسماء واحضان القديسين اما الغنى الذى احب امواله اكثر من الله فى النهاية خسر خيرات الله وخسر احضان القديسين
ويقول ابونا بولس لذلك اذا شعرت بالغيرة منهم فلا تنظر الى اموالهم ونفوذهم بل يجب ان تتذكر نهايتهم
2 - انظر الى واقعهم : يقول ابونا بولس جورج يوجد مثل يقول " مش كل اللى بيلمع دهب " وده معناه ان فى ناس من بره شكلها عايشين ومبسوطين ولكن لو قربت منهم هتكتشف انهم فى ملل وفراغ عايشين فيه وانهم مش مبسوطين ولا سعداء
ويقول ابونا بولس الفقير نقدر نجبله الاكل واللبس ونريحه ويكون مبسوط لكن الغنى مش هنقدر نريحه من القلق والخوف والتوتر لانه بيخاف على اللى يملكه اكتر من خوف الفقير الذى لا يملك شئ
ويقول ايضا ابونا بولس اوقات كتير اوى بنفتكر ان الناس الاغنياء الاشرار عايشين فى سعادة ولكن لودخلنا جواه الانسان الشرير هنلاقى عنده فلوس وسلطه ولكن لا يملك الرضا ولا يملك السلام عشان كدا بيقولنا لا تحسد الشرير ولا تتمنى ان تكون منهم لان مش كل حياتهم حلوة
ويقول ايضا مش كل الاغنياء اشرار دى مش قاعدة على كل الاغنياء
3 - انظر الى واقع اولاد ربنا : اذا نظرنا الى واقع اولاد ربنا الحقيقين الذين لا يملكون شئ ولكن لا يقدروا ان يعاشروا الاشرار لان اولاد ربنا مش عايشين فى الوسط بين ربنا والاشرار لكن هما اللى عايشين مع ربنا ولا يحسدوا اهل الشر وفى المقابل لازم نفهم ان السعادة الحقيقية مش مجرد كلام وعظ والفرح الفلب ليس له علاقة بمقدار ما نملكه من مال ولكن الفرح القلب والساعدة يكون بامتلاك المسيح قاذا امتلكت المسيح وانت لم تمتلك حتى لقمة لتاكلها هتكون اغنى انسان اسعد انسان على الارض واذا كنت تملك كل شئ ولكن لا تملك المسيح او المسيح غير موجود فى حياتك فتكون افقر انسان واتعس انسان على الارض حتى لوعندك اموال كثيرة جدا
ويحكى ابونا بولس عن قصة حدثت معه
يقول انه ذهب فى خدمة قرى للمنوفيه لسيدة تعيش فى غرفة ابنها متوفى وزوجها متوفى وهى عايشة لوحدها وعندها 70 سنة قاعدة على مسطبة وتملك حلة واحدة الومنيوم ولا تملك بتجاز بل تستخدم بابور والدولاب الذى تملكه عبارة عن قفصين جريد به القليل من الملابس والغطاء الذى تملك لا ينفع فى البرد
ويقول ابونا بولس سالتها انتى ناقصك ايه واحنا نجيبه هو سؤال غريب لان هى لا تملك شئ
ويكمل كلامه بانه ردد وقالت له انظر بعنيك يا استاذ هو فى حاجة نقصانى ربنا مغطينى ومدفينى وساتر عليا والخير مغرقنى ويقول ابونا بولس ان بيتها لم يكن فيه بلاط ولا حتى حنفيه ولا ماء ولكن دائما تقول الحمدلله وتشعر ان ربنا معاها لانها غنية ما تاخذ من الله على طول
- ويقول ابونا بولس فى ناس اغنى منا ولكن مش عندهم 1% من اللى احنا بنشتكى انه قليل عندنا لانهم امتلكوا المسيح
- ويقول اوعى تحسد الشرير على شره ولا تشتهى انك تكون وسطهم بحجة ان هى دى الناس اللى عايشة ومبسوطة والناس الى واصلة وقوية وتملك
- ويختتم ابونا بولس المشكلة بقيت عندنا ازمة ايمان ومادية طاحنة فى حياتنا بقينا نقيم كل حاجة بالفلوس لكن احنا لازم نرجع تانى نخلى ربنا معانا ولازم منغيرش من الشرير مهما كان يملك لان هيفضل الشر شر والخير خير ومملكة الظلمة ظلمة ومملكة النور نور ونحن اولاد النور
