ابونا يوحنا باقى تدبيرك فاق العقول
ـ بعنوان لازم اقطع رجلها ـ
يقول ابونا يوحنا باقى ـ فى حاجات صعبة بتقابلنا فى حياتنا و فى حاجات غير متوقعة وبنحاول نحلها ومش بتتحل لكن الصلاة تصنع المعجزات
ويحكى ابونا يوحنا باقى قصة واقعية حدثت فى النصف التانى من القرن العشرين
كان توجد عائلة مسيحية سيدة وزوجها يعيشوا مع ربنا بيصلوا وبعلموا اولادهم حب ربنا ويروحوا الكنيسة وتقراء معاهم الانجيل والام تربى الاولاد والاب يسافر من اجل العمل والامور كانت مستقرة
مرت الايام وحدث مرض مفاجئ للام وبداء يزيد لدرجة ان الاطباء لم يجدوا حل
والام بدءت تغيب عن الوعى والحالة تسوء
والاب والاطفال تاثروا جدا وبدأوا يصلوا من القلب ويصرخوا لربنا بالدموع ويطلبوا الشفاء ليها
وبعد الصلاة بدء تحسن للام تحسن بسيط ويوم بعد يوم اصبحت فى حالة جيدة وقامت واستجابت للعلاج
وشكروا ربنا على الاستجابة لصلاتهم ومرت الايام وهما فى فرح وعادوا لحياتهم الطبيعية وكبروا الاطفال
وبعد 12سنه بدءت الام تشعر بالام فى رجلها وكانت تستحمل ولا تقول لاولادها
وبدء يزيد الالم فلاحظ الاولاد تعبها فوجدوا رجلها التى تؤلمها اصبحت ارفع من رجلها الاخرى
فذهبوا بها الى طبيب العظام وبعد الاشاعة والفحص
قال لهم الطبيب ان الحالة صعبة وان العظام بها تسوس ووصل الى الركبة الحالة خطيرة ولازم يعملوا عملية يقطعوا رجلها فى اسرع وقت حتى لا ينتشر السوس فى باقى العظام
فطلبوا من الطبيب ان يعطيهم فرصة لان ولدهم مسافر ولازم يقولوا ليه عشان يقدروا يدبروا فلوس العملية
ولكن الطبيب من شدة خطورة الحالة قال لهم انا هعمل العملية منغير فلوس لغاية متدبروا نفسكم لان مش هنقدر ناجل العملية لازم نعملها بسرعة
فاصروا على طلب فرصة لمدة ايام واخذوا والدتهم وذهبوا الى المنزل
فتجمع اولادها وتذكروا صلاتهم عندما كانوا اطفال فعقدوا اجتماع صلاة من اجل تدخل الله لشفاء والدتهم وكانوا يصلوا بحرارة كما صلوا فى صغرهم
واتفقوا على الصلاة كل يوم حتى يتدخل الله لشفاء والدتهم
والعجيب ان الالم التى فى قدم والدتهم بدءت تقل يوم بعد يوم وكل يوم يسالوا الام تقول انها احسن من الاول وهما فى استمرار فى الصلاة
حتى اصبحت قدم والدتهم فى احسن حال وبدءت تمشى بدون الام
فعادوا الى طبيب العظام فطلب اشاعة اخرى وكانت النتيجة ان قدمها سليمة تماما فخرجوا فرحانين وشكروا ربنا وشعروا بحنيته وقوة عمل الله معهم
يقول ابونا يوحنا باقى الصلاة الجماعية تصنع المعجزات “اذا اجتمع اثنان أو ثلاثة باسمي فهناك أكون في وسطهم”
ده وعد ربنا وهو بيوفى بوعوده
ياريت كل عائلة يتجمعوا وتصلى مع بعضها ونطلب من ربنا يكون معانا مش بس عشان فى مرض عشان احنا محتاجين لربنا على طول ونتمتع بيه وبالصلاة
