تفسير سفر الرؤيا – حـ 16 ✟ الانبا رافائيل فى ها أنا أتى سريعا – شاهد و أقرأ – 📹 📝 – ✔

بسم الاب والابن والروح القدس الاله الواحد امين.

مقدمة :-

عشان تبقوا متابعين معي احنا سفر الرؤيا عبارة عن سبع رؤى. درسنا منها رؤيتين واحنا في التالتة. الاولى كانت عن الكنايس السبعة وتشرح تاريخ الكنيسة في الارض لغاية ما نوصل السما. الرؤيا التانية كانت على الختوم السبعة اللي فتحهم السيد المسيح وكل ما يفتح ختم كان بيشوف منظر يوحنا الرأي ويسجله لنا.

وبعدين دخلنا في  رؤيا الابواق السبعة. درسنا منهم  اربع ابواق. البوق الاول كان انذار يمس موارد معيشة البشر. والبوق التاني يخص ناس بيتعبونا. في الارض. والبوق التالت عن طريق ظهور المبتدعين و الهراطقة. والبوك الرابع كان انذار في غاية الشدة. بيعبر عن في ضيق ممكن يحصل للناس الاشرار.

الاصحاح التاسع في سفر الرؤيا. بيتكلم عن البوقين الخامس والسادس. النهاردة جايز نقدر ناخد جزء من البوك الخامس لان في كلام كتير.

لكن عايز قبل ما ندخل في الاصحاح التاسع نفتكر اخر عدد في الاصحاح التامن. اللي بيقول ثم نظرة وسمعته ملاكا طائرا في وسط السماء قائلا ويل ويل ويل للساكنين على الارض من اجل بقية اصوات ابواق الثلاثة الملائكة المزمعين ان يبوقوا.

طبعا هنا تحذير من ملاك طائر في السما بيقول التلات ادواق اللي جايين هيبقى صعب جدا.

بس انا قبل ما اقرا وقبل ما نتأمل ونشرح عايز دايما ما نبقاش خايفين. الخوف للناس الاشرار وغير المؤمنين. اما احنا فاولاد الله. وعايشين في مخافته ومحبته. حتى لو كان لنا اخطاء وضعفات لكن احنا اولاده وبنرجع له بالتوبة وهو بيقبل. فارجو الرعب اللي موجود في سفر الرؤيا ما يمسناش اطلاقا. والا هتلاقي نفسك وانت بتقرا الرؤيا خايف منها ومش عايز تكمل.  ودايما بشرحها ويمكن سمعتوني في الوصف ده. لو في لواء في راجل شديد جدا وحاسم جدا ونازل على رأس قوة عشان يقبض على عصابة بتوع مثلا تجار مخدرات ولا حرامية ولا نصابين ولا بيبيعوا اعضاء بشرية بينزل في منتهى الشدة والحماس والناس ترتعب من هيئتة لكن ابنه في البيت بيدخل في حضنه ويبوسه ويبقى فرحان ان بابا راجل الناس كلها بتخاف منه. فالناس اللي كانت هتخاف من ربنا احنا بنحبه. وافتكروا الكلمة اللي قالها القديس يوحنا في رسالته المحبة الكاملة تطرد الخوف والكلمة الجميلة اللي قالها انبا انطونيوس لولاد الرهبان فجأة كده قال لهم يا اولادي انا لا اخاف الله. فقالوا له ازيك الكلام ده ؟ قال لهم لاني بحبه. والمحبة الكاملة تطرد الخوف الى خرج.

فاذا كان ملاك بيطير في السما يقول ويل ويل ويل للساكنين على الارض. ارجو ما نكونش احنا ساكنين على الارض. احنا ساكنين في السما حتى لو كنا لسه برجلينا في الارض لكن احنا مواطنين سمائيين. عنينا وقلبنا وذهننا كله في السما. وبرضه بكرر حتى لو لنا ضعفات. لان حد من اللي بيسمعني دلوقتي يقول لي طب انا انسان خاطي. كلنا خطى. لكن احنا عانينا على المسيح ورجائنا فيه .

ويل للساكنين على الارض من اجل بقية اصوات ابواق الثلاثة الملائكة المزمعين ان يبوقوا.

ايه بقى في الملاك الخامس ؟ ثم بوق الملاك الخامس فرأيت كوكبا قد سقط من السماء الى الارض واعطي مفتاح بئر الهاوية. ايه بقى ده ؟ اولا  لو بصينا في رؤيا واحد تمنتاشر هنلاقي المسيح بيقول عن نفسه الحي وكنت ميتا ده المسيح. ها انا حي الى الابدين وليه مفاتيح الهاوية والموت ؟ يبقى هنا مفاتيح الهاوية والموت مع المسيح. معنا ايه ؟ معنا له سلطان على الهاوية انه يقفلها وما يبقاش بتبتلعنا احنا حبايبه. واعضاء جسده. ومفاتيح معنا ممكن يغلبه. واللي معه مفاتيح ممكن يفتح وممكن يقفل. فهيفتح الهاوية علشان يعاقب فيها الاشرار. ويقفلها عشان ما تبتلعش احباؤه والمؤمنين به. فدي نمرة واحد ان المسيح له مفاتيح الهاوي و الموت  

في رؤيا عشرين في نص كده من تلات اعداد بيلخص القصة كلها تحب نقر مع بعض يقول ورأيت ملاكا نازلا من السماء معه مفتاح الهاوية. وخلي بالك كلمة سقط غير نازل من السماء اعتقد الفرق كبير سقط معناها وقع ومعناها حاجة وحشة ده زي ما اللي هو الشيطان لما سقط . لكن نازل من السما معنا معه مهمة هيأديها في الارض. زي ما المسيح نزل من السماء علشان  يتجسد ويخلصنا زي ما نزل الى الجحيم من قبل الصليب لكن لا يمكن نقدر نقول المسيح سقط من السماء للارض مش ممكن او سقط الى الجحيم هو نزل نزل بأرادته .

طبعا  احنا نفسنا اللي نازل على السلم من بيتهم غير اللي وقع نزل على السلم معنا بارادته ومتوازن. وهو حسب خطباته ورايح مشواره هيرجع تاني. لكن فقط دي حاجة وحشة. عشان كده اصحاح عشرين يقول رأيت ملاكا نازلا من السماء معه مفتاح الهاوية. عمل ايه ؟ سلسلة عظيمة على يده. فقبض على التنين الحي القديم الذي هو ابليس والشيطان قيده الف سنة. بحسب تفسير ابائنا وكنيستنا الملاك ده هو المسيح اللي نزل من السماء عشان يكتف الشيطان. وزي ما قلنا قبل كده المسيح مش ملاك لكن هو الله الذي تجسد فممكن زي ما ظهر في شكل انسان يظهر في شكل ملاك . وكلمة ملاك معناها باليوناني انجيلوس وانجيلوس يعني رسول. فالمسيح مرسل من الاب من السماء الينا. عشان كده ممكن يتسمى ملاك وحتى في التسبحة متاخدة من  نبوة في اشعياء بحسب النص السبعيني. قال ملاك المشورة العظمى. المسيح هو ملاك المشورة.

فنزل من السماء معه مفتاح الهاوية. قبض على التنين ده اللي هو الشيطان على الصليب. المسيح كتفه. وايده الف سنة. الف سنة اللي هي من سعة الصليب لغاية المجيء التاني. طبعا رقم رمزي مش حرفي. واوعوا تسمعوا للناس اللي بيقولوا ده لسه ما حصلش الف سنة هييجي المسيح يملك على الارض الف سنة. حاشا ان المسيح يكون ملك ارضي لان المملكة ليست من هذا العالم. لكن المسيح مملكته مملكة روحانية سماوية. واحنا مملكته. احنا ملكوته. ايده الف سنة وطرحه في الهاوية واغلق عليه ده من يوم الصليب. وختم عليه لكي لا يضل الامم فيما بعد. حتى تتم الالف سنة اللي هي بقى قبل المجيء التاني على طول وبعد ذلك لابد ان يحل زمامنا يسيرا ده اللي هو بيحكي عنه دلوقتي في الاصحاح تسعة.

لان هيفتح الهاوية عشان الشيطان يطلع في الزمن الاخير وده اسمه تدبير الازمنة. هنا لازم نلاحظ حاجة ان كلمة ايد الشيطان بسلسلة. مش بالمعنى الحرفي لان الشيطان روح. يعني احنا عشان اجساد ممكن واحد ياخدوه يحطوه في كلبشات ويحطوه في سجن يقفلوا عليه زنزانة. يبقى اتحبس. لكن الشيطان روح. فازاي هيتربط في ايه ، ما فيش ايديه. اتحط في زنزانة. فكلمة ربط الشيطان معناها كتفه وحد من سلطته. ما بقاش له سلطان مطلق زي ما كان قبل الصليب. عشان كده قبل الصليب لاحظوا ان العالم كله كان بيعبد الاوثان. لان الشيطان له سلطان لما جه المسيح كتفه بدأ نور الانجيل يبان للناس والناس تامن بالمسيح. صحيح لسة الشيطان له سلطان على بعض الناس اللي هم بيدوا له فرصة ان يتسلط عليه. لكن هو في الحقيقة متكتف.

عشان كده الناس هتسمع كلمة انت بلا عذر ايها الانسان. واذا حبينا نشبهها اه التشبيه ده قديم وواضح جدا. لو فيه كلب مسعور ورابطينه بسلسلة فيه عمود. عمود قوي ما خلعش يعني. فالكلب المسعود ده بيهوهو بصوت عالي يخوف لكن اللي عارف انه متكتف ما يخافش منه. يأزي مين بقى اللي يقرب له? اللي يروح له بارادته. عشان كده الشيطان ليس له سلطان علينا. لان المسيح اعطانا السلطان ان ندوس الحيات والعقارب وكل قوة العدو. الحيات العقارب مش مقصود بالمعنى الحرفى لكن معناها الشيطان وجنوده. احنا نقدر ندوسهم لو مسكنا في المسيح.

عشان كده طرحه في الهاوية اغلق عليه ختم عليه لغاية ما هييجي في الاواخر يحله زمانا يسيرا. في رؤية تمانية عشرة اللي خدناها المرة اللي فاتت يقول بوق الملاك الثالث فسقط من السماء كوكب عظيم متقد كمصباح ووقع لثلث الانهار وعلى ينابيع المياه ودي ساعتها لو تفتكروا فسرناها بان الملاك اللي سقط ده هو الشيطان. وكوكب عظيم و متقد لانه كان منير جدا وكان جميل. لما وقع سمم الماية خلاها افسنتينا بقت مرة. والمية ترمز للتعليم في الكنيسة. فالشيطان هدفه ان هو يفسد التعليم.

عشان كده المسيح قال رأيت الشيطان ساقطا مثل البرق من السماء.

السقوط دايما يليق بالشيطان وقواته. لكن اولاد الله لا يسقطون. حتى اذا سقطت اقوم. يبقى دايما المسيح يمد ايديه وينتشلنا من سقطاتنا. الشيطان سقط نص طويل شوية في سفر اشعيا اصحاح اربعتاشر وانا ارجو ان انتم تحفظوا هذا الشاهد

اشعيا اربعتاشر بيشرح بطريقة رمزية سقوط الشيطان. بيقول الهاوية من اسفل مهتزة لك لاستقبال قدومك الهاوية هي المقر النهائي للشيطان. منهضة لك الاخيلة. اخيلة يعني الاشباح. جميع عظماء الارض. تخيل عظماء الارض بقوا اشباح. بقوا اخيلة بقوا خيال. النهاردة اللي ماسك مركز ومفكر نفسه في ايده ويقدر يحبس الناس ويقدر يزل الناس ويقدر يرفد ويقدر يعين. كل دول اخيلة. عظماء الارض. والشيطان هو نازل اخيلة الارض العظماء دول بيستقبلوه. لان هم مشيوا في سكته.

اقامت كل ملوك الامم عن كراسيهم. كلهم الهوية هي اللي اقامتهم عن كراسيهم قالت لهم  يقولون لك يقولوا للشيطان أانت ايضا قد ضعفت نظيرنا وصرت مثلنا ؟ لان طبعا لما يكون ملك عظيم وله سلطان وفي الاخر بيمد يترمي في الهاوية. فيقعد يتأمل في حاله. ده انا كنت من لحظة ملك الناس تخاف مني. بقى ساقط في الهاوية. فلما الشيطان يذلهم قالوا له حتى انت كمان. ضعفت نظيرنا وصرت مثلنا. اهبط الى الهاوية فخرك. الفخر بتاعك نزل الهوية. رنة اعوادك تحتك تفرش الرمة. وغطاؤك الدود. كيف سقطت من السماء يا زهرة بنت الصبح ؟ نوع من الرثاء. يا خسارة. عامل زي ما قالوا عن اوريجانوس وهو بيموت. رثى نفسه وقال كيف سقط ايها البرج العالي. في ناس كتير يعيش في عند مكابرة ويقاوح ساعة لحظة الموت يبتدي يدرك الحقيقة. فيقول انا ايه اللي عملته ده ؟ بس يكون احيانا الفرصة فاتت.

كيف قطعت الى الارض يا قاهر الام وانت قلت في قلبك دي بقى خطيئة الشيطان. اصعد الى السماوات ارفع الكرسي فوق كواكب الله اجلس على جبل الاجتماع في اقاصي الشمال اصعد فوق مرتفعات السحاب. اصير مثل العلاء. مشكلة الشيطان من البداية هو ملاك. رئيس ملايكة عظيم. عايز يبقى زي الله. ودي المشكلة اللي هو بيزرعها في البشر لغاية النهاردة. قال لحوا تصيرانك الله. وطبعا حاجة تزغلل العينين ان الانسان يبقى متأله. عشان كده لغاية النهاردة فيه ناس بتتكلم عن احنا نصير مثل الله. طبعا انا فكرة التأله دي شرحتها قبل كده ان احنا ناخد من حياة الله ناخد من مجده ناخد من عدم فساده. نحيا الى الابد.  لنا شركة مع الله لكن ان يسير الانسان الله شيء مستحيل. دي بقى اللي وقع فيها وبيوقع فيها الناس. ان يصير الانسان الله. لكن كون الانسان يصير كائن الهي. دي نعمة من عند ربنا ممنوحة لنا لان احنا اتخلقنا على صورته. به نحيا ونتحرك ونوجد. فنتأله به بمعنى ان احنا حياته تبقى فين نور يبقى فينا. مجده ينعكس في وجوهنا.  بعدين ناخد معه عدم الفساد عشان هنحيا الى الابد. لكن غير كده اكتر من كده يبقى غلط.

فهو الشيطان قال اسير مثل العلي. طب النتيجة قال له انحدرت الى الهاوية. الى اسافل الجب. يرونك يتطلعون اليك يتأملون فيك. اهذا هو الرجل الذي زلزل الارض وزعزع الممالك ؟ الذي جعل العالم كقفر وهدم مدنه الذي لم يطلق اسر الى بيوتهم. كل ملوك الامم باجمعهم اضطجعوا بالكرامة كل واحد في بيته. طبعا اي ما لك بيموت  بيعملوا جنازة عظيمة جدا ويدفنوه. اما انت فقد طرحت من قبرك كغصن اشنع كلباس القلى المضروبين بالسيف الهابطين الى حجارة الجبن كجثة مدوسة. ده مصير الشيطان.

المسيح نفسه قال كده الان دينونة هذا العالم الان يطرح رئيس هذا العالم خارجا. عشان كده المسيح لما اتكلم عن الروح القدس قال هييجي يبكت العالم على دينونة. الدينونة قال هذا العالم قد دين اللي هو الشيطان. ويشرح سفر الرؤيا منظر سمائي عجيب. حدست حرب في السماء. ميخائيل وملائكته حاربوا التانيين اللي هو الشيطان. وحارب التنينو وملائكته ولم يقووا

الشيطان هيقعد لغاية اخر لحظة بيقاوح. هو مقتنع ان هو له حق. وانه اتظلم. دايما الانسان الشرير كده. تلاقي عامل جريمة وواقف قفص الاتهام قدام القاضي بمنتهى البجاحة والعينين الواسعة كده ويقول انا مظلوم انا بريء. هو عارف ان هو مدان. ويقايح لاخر لحظة. يدخل السجن يقعد يقول قدام المسجونين انا اتظلمت. وهو عارف انه مدان. فدايما الانسان الشرير لا يعترف باخطائه. لا من الشيطان.

لم يقوى فلم يوجد مكان بعد ذلك في السماء. فطرح التنين العظيم الحية القديمة المدعو ابليس والشيطان. شف اساميه تنين وحية وابليس. الذي يضل العالم كله. طرح الى الارض. وطرحت معه ملائكتة وسمعت صوتا عظيما قائلا في السماء بعد بقى ما الشيطان ده تنتهي قصته ويترمي في اتون النار. تخرج صيحة جميلة اوي. الان سار خلاصه الهنا وملكه وسلطان مسيحه. لاحظوا ان المسيح تمم الخلاص على الصليب. بس لسه في مشوار طويل لغاية الابدية. عشان كده الملايكة يقولوا الان صار خلاص الهنا. يعني النهاية بتاعة قصة الخلاص. لما ندخل السما ونستقر. والشيطان يطرح في الهاوية.

لانه قد طرح المشتكي على اخوتنا. الشيطان اسمه المشتكي. عارف المثل اللي يقول ايه ؟ ضربني وبكى وسبقني واشتكى وكده. ييجي يضربنا بالخطية وبعدين يقف يعايرنا. اديك غلطت. عملك ايه الهك وبعدين يرجع لربنا يشتكي يقول له الحق ولادك بيعملوا خطية. حاجة عجيبة

طرح المشتكي على اخوتنا الذي كان يشتكي عليهم امام الهنا نهارا وليلا. لكن هم غلبوه دم الخروف وبكلمة شهادتهم. ولم يحبوا حياتهم حتى الموت. من اجل هذا افرحي ايتها السماوات والساكنون فيها. ويل لساكني الارض والبحر لان ابليس نزل اليكم وبه غضب عظيم. عالما ان له جمالا قليلا.

نفس اللي زكر في رؤيا اتناشر ده هو اللي بيتقال دلوقتي في رؤيا تسعة . بوق الملاك الخامس فرأيت كوكبا قد سقط من السماء على الارض. واعطي مفتاح بئر الهاوية. الهاوية. كلمة هاوية حتى في اللغة معنا حاجة   عميقة في الارض. في الفكر العبراني بتاع العهد القديم معنا حفرة ليس لها قرار. تخيل كده واحد بيقع في حتة ما لهاش نهاية من تحت. دي الهواء. في سفر عموس يقول النقب الى الهاوية فمن هناك تاخذهم يدي. ربنا بيقول كده. يعني حتى لو راحوا الهوية هاقدر اجيبهم. زي في المزمور لما يقول اين اذهب من روحك ؟ ومن وجهك اين اهرب ؟ ان صعدت الى السماء فانت هناك. ان فرشت في الهاوية فها انت.

يعني اذا كان هنا بيعتبر السما و الضد الهاوية. يعني على قد بعد السما على قد بعد الهاوية دى فوق ودي تحت.

وفي سفر اشعيا يقول يكون في ذلك اليوم ان الرب يطالب جند العلاء في العلاء وملوك الارض على الارض. ويجمعون جمعا كاثارة في سجن. هو ده السجن بقى الهوية. ويغلق عليهم في حبس. ثم بعد ايام كثيرة لان المسيحي ييجي يخلص.

يبقى احنا كده العدد الاول من من اصحاح تسعة بيقول شاف ملاك فقط من السماء ومعه  مفتاح بئر الهاوية. الملاك ده بقى اختلفوا في تفسيره. هل هو المسيح اللي معه مفتوح الهاوية بس ما كنش اتقال عليه سقط. هل هو ملاك من ملائكة الله القديسين نزل عشان يفتح البئر للشيطان ؟ بس قال سقط. فغالبا التفسير ان الملاك الساقط هو الشيطان. بس ربنا ادى له ادي المفتاح اللي هو عشان في ايدين ربنا قال له خد مؤقتا هديك سلطان مؤقت ان انت اسمه تدبير الازمنة لان قبل المجيء التاني تاخد فرصتك. حصل ايه بقى ؟ ففتح بئر الهاوية. فصعد دخان من البئر كدخان اتون عظيم فاظلمت الشمس والجو من دخان البئر. المنظر ده بقى انا هقف عنده شوية. فتح بئر الهاوية سامحوني في التشبيه اللي هقوله تخيل ان فيه مكان عفن واتفتح والريحة فاحت بطريقة مميتة. قبر اتفتح. المرة دي بئر الهاوية لما اتفتح طلع منه دخان كثيف جدا لدرجة غطى على ضوء الشمس والجو. والدخان ده خلى الدنيا ضلمة.

ايه الدخان ؟ الدخان هو الضلالة بتاع تعاليم الشيطان. ودي هتلاقوها في الايام الاخيرة بطريقة تحجب نور المسيح. جت في اكتر من مكان في الكلام عن المجيء التاني. المسيح نفسه قال الشمس تظلم والقمر لا يعطي ضوءه. ونجوم السماء تتساقط وقوات السماوات تتزعزع. وادي هنا بيقول اظلمت الشمس في اكتر من موضع. الشمس هو المسيح. ازاي يظلم ؟ خلي بالكم لما تكون الدنيا ضلمة مش معنا الشمس انطفت. لكن معنا احنا مش مش شايفين نورها.

اما سحاب كثيف فخلي الدنيا ضلمة او احنا مدين ضهرنا للشمس في فترة الليل لكن الشمس قائمة فالمسيح قائم ونوره لا ينطفئ وتعليمه لا ينحجب لكن هيحصل ان الشيطان يطلع من البير الهاوية بتاعه تعاليم تغطي على ذهن الناس فما تشوفش نور المسيح. ايه اكتر تعليم يغطي على نور المسيح ويخلي الناس عايشة في ظلام. ارجوكم تنتبهوا لدي بتنتشر بصورة بشعة في الايام دي. التعليم ان المسيح مش مهم. يعني اي ديانة حلوة. اي عقيدة كويسة. كله حلو كله حلو. مش مهم المسيح. المسيح في نظر بعض الناس هو احد الالهة. مش هو الاله الحقيقي الوحيد احد الالهة. وانت ايش عرفك ان المسيح هو الصح ؟ ما كل واحد في ديانته مفكر هو اللي صح. وبعدين في حقوق الانسان. معقول ربنا يرمي كل الناس دول في جهنم ؟ طب والناس اللي ما وصلهمش الانجيل ؟ اكيد هيدخلوا السما باي صورة. طب واللي ما اتعمدش ؟ مش مهم. اكيد ربنا هيدخله السما. طب والانسان اللي ايمانه منحرف ؟ لكن اخلاقه طيبة. مش معقول ربنا ما يدخلوش السما. وهكذا. امور كسيرة تتقال. وللاسف بعض المسيحيين الاتقياء. لانهم عندهم طيبة قلب. وحنية على البشر. فيبتدي يتخيل ان ربنا له سكة تاني غير المسيح. غير الايمان بالمسيح. يقول لك مش معقول افرض الناس في اماكن بعيدة ما وصلهاش الانجيل. يبقى دول ربنا هيعاقبهم ويدخلهم جهنم زنبهم ايه ؟ ده يبقى اله شرير واله قاسي واله.

فدي اكتر حاجة هتغطي علينا المسيح. كل الديانات حلوة وكل الناس كويسة وما فيش مشكلة وخليك بحبوح وخليك منفتح وخليك متسع وتقبل الاخر والدنيا جميلة يعني.

في العالم كله دلوقتي في بعض البلاد يعني. يدرسوا حاجة اسمها الديانات. فيقولوا للناس كل ديانة ايه الحاجات الحلوة اللي فيها عشان الناس تحترم بعضيها ما يبقاش في صراع ديني. ما يبقاش الولد قاعد في الفصل بيقول لزميله انت كافر عشان انت مش في الايمان بتاعي. نتيجة كده خلاص كل واحد حلو كله هيدخل السما. شكلها جميل شكلها براك بيقول ايوة ده اتساع افق وناس حلوة وعندها  قبول للاخر وما فيش تعصب. فهتلاقيها ايه النار بتاعتها بتمشي بسرعة. شباب صغيرين يقتنعوا كبار وخلاص نور المسيح يبقى بهتان في وسط الالهة الكسيرة اللي موجودة في العالم.

هذا الكلام في منتهى الخطورة تعالوا نقرا في الانجيل يقول ايه ؟ ليس باحد غيره الخلاص. ليس اسم اخر تحت السماء قد اعطي به ينبغي ان نخلص. ده المبدأ اللي خلى ابائنا الرسل يكرزوا باسم المسيح. ما هم عارفين ما فيش سكة غيره. المسيح قال انا هو الباب. مش قال انا باب من ضمن الابواب. ليه ؟ لان  في سفر رسالته العبرانيين بدون سفك دم لا تحصل مغفرة. طب الذي لا يؤمن بدم المسيح كيف تحصل له مغفرة ؟

له يشهد جميع الانبياء ان كل من يؤمن به ينال باسمه غفران الخطايا. والملاك لما بشر العدرا قال لها ستلد اما تدعو اسمها يسوع لانه يخلص الشعب من خطاياهم لو ان في مخلص غير المسيح ايه لازمة المسيح ييجي ؟

لما في بولس الرسول يقول يوجد اله واحد ووسيط واحد بين الله والناس. الانسان يسوع المسيح الذي بذل نفسه فدية لاجل الجميع. لما يكون واحد بس ازاي ندور على اخر ؟ النص اللي هقوله دلوقتي كلكم حافظينه. هكذا احب الله العالم حتى بدل ابنه الوحيد لكي لا يهلك كل من يؤمن به. طب واللي ما يؤمنش ؟ بل تكون له الحياة الابدية. لم يرسل الله ابنه العالم ليدين العالم بل يخلص به العالم. الذى يؤمن به لا يدان والذي لا يؤمن قد دين. لانه لم يؤمن باسم ابن الله الوحيد. طب هذه هي الدينونة. النور جاء للعالم احب الناس الظلم اكثر منه لان اعمالهم كانت شريرة. تعليم المسيح مش على هواهم .

عشان كده هيخلي الدخان بتاع بتاع الهاوية يغطي على عينيه فيعمي اذهان غير المؤمنين. الذي يؤمن بالابن له حياة ابدية. والذي لا يؤمن بالابن لن يرى حياة بل يمكث عليها غضب الله. ايه النصوص دي مهمة جدا. هذه هي مشيئة الذي ارسل ان كل من يرى الابن ويؤمن به تكون له حياة ابدية وانا اقيم في اليوم الاخير. من يؤمن بي فله حياة ابدية. معلمنا يوحنا لما كتب انجيل وفي الاخر قال ده انا كتبت جزء صغير من اللي اتعمل. اما هذه فقد كتبت لتؤمنوا ان يسوع هو المسيح ابن الله. ولكي تكون لكم اذا امنتم حياة باسمه. طب اذا ما امناش ؟ فيه كانت الحياة والحياة كانت نور الناس والنور يضيء في الظلمة والظلمة لم تدركه. في الحياة. هو وحده فيه الحياة هي النور الوحيد. والمسيح هو النور بيضيء في ظلمة العالم.

عشان كده الشيطان عايز يضلم على المسيح. طبعا فيه ناس اللي هم حضراتكم مش ممكن. نور المسيح يغيب عن عينيهم. مش ممكن تسمح لانسان يعلم بان المسيح مش مهم انك تقبله .