تفسير سفر الرؤيا - حـ 10 ✟ الانبا رافائيل فى ها أنا أتى سريعا
بسم الاب والابن والروح القدس الاله الواحد امين.
احنا كنا درسنا اول رؤيا بتاعة الكنايس. وبدأنا في الرؤيا التانية اللي هي الختوم . وافكركم بعد كده يبقى فيه رؤيا بتاعة الابواق وبعدين الجامات . الختوم معناها اسرار ربنا بيكشفها . الابواق معناها اعلانات ربنا بيعلنها وانذارات . والجامات ربنا يحمينا جميعا هي غضب . ربنا المصبوب على شر الانسان .
لما رؤيا الختوم دي فيها سفر مختوم بسبع ختوم . وربنا يسوع المسيح هو اللي فتح ختومه . وبعدين احنا خدنا التلات ختوم الاولى . اول ختم اه لما فتحه بقى فيه فرس ابيض يقول فانا نظرت الى فرس ابيض . وده قلنا يرمز للمسيح الغالب . الجالس عليه معه قوس . علامة الحرب انه هيحارب الشر . وقد اعطي اكليلا علامة الغلبة و خرج غالبا ولكي يغلب طبعا يغلب لحسابنا احنا .
الحيوان التاني لما صرخ اه اتفتح الختم التاني خرج فرس اخر احمر وللجالس عليه اعطي ان ينزع السلام من الارض وان يقتل بعضهم بعض و اعطي سيفا عظيما وقلنا ده يرمز لعصر الاستشهاد او اي وقت بيحصل فيه سفك من اجل اسم المسيح .
الختم التالت الحيوان التالت لما فتح الختم سمعت الحيوان الثالث قال ان هلم وانظر فنظرت الى فرس اسود والجالس عليه ما هو ميزان في يده . قلنا الفرس الاسود ده بيرمس لفترات اللي بيبقى فيها بدع وهرتقات لانها بتبقى شيء مر جدا على الكنيسة . وسمعت صوتا في وسط الاربع حيوانات قائلا سمية قمح بدينار وثلاث سماني شعير بدينار . دي اللي هي الغلاء . سواء كان غلاء مادي فعلا للاكل و الشرب او غلاء الى كلمة الله والتعليم المستقيم . تلاقي ينتشر في الكنيسة تعليم غلط . والتعليم المستقيم يبقى غالي جدا وشحيح . اما الزيت والخمر فلا تضرهما اللي هي اعمال الروح القدس .
الختم بقى الرابع اللي احنا هنتكلم فيه انهارده .
ولما فتح الختم الرابع سمعت صوت الحيوان الرابع قائلا هلما و نظر .
حصل ايه بقى ؟ فنظرت واذا فرس اخضر . خلوا بالكم الاول لونه ابيض . علامة النصرة والبرارة والنقاوة . التاني لونه احمر علامة سفك الدم اللي يحصل بسبب ايمانا بالمسيح . التالت لونه اسود علامة الهرظقات والبدع والتعليم المنحرف . الرابع لونه اخضر .
اللون الاخضر ده مكتوب في في اللغات الاخرى باهت فرس باهت . فاخضر بهتان . الاخضر علامة الحياة لان الخضرة دايما بتدل على ان في حياة . لكن اخضر باهت يبقى معناها حياة مائلة الى الذبول والموت . علشان كده قال والجالس عليه اسمه الموت . والهاوية تتبعه يعني بيجر وراه الهاوية معناها اللي يمشي ورا الشخص ده ينزل في الهوية . و اعطي سلطانا على ربع الارض مش لازم يكون ربع الارض بمعنى جغرافي لكن بمعنى ان ناس كتير جدا هتمشي ورا الفرس الاخضر ده . والسلطان بتاعهم ان يقتل بالسيف . ركزوا معي .. والجوع و الموت وحوش الارض .
اربع حاجات . السيف والجوع والموت وحوش الارض . طبعا الفرس الاخضر ده بيرمز الى بدعة كبيرة جدا . ظاهرها حياة لكن فيها موت . يمكن الفرس الاسود بدع وهرطقات واضحة . لكن الفرس الاخضر حد بينادي باسم الله لكن هو الايمان بتاعه منحرف . وظاهره من خارج في الحياة لكن داخله فيه موت . عشان كده اللي يمشي وراه يقع في الهاوية .
وبعدين حكاية السيف معناها فعلا قتل صريح كده بالسيف . الجوع معناها يبقى فيه سلب للاموال . تخلي الناس جعانة . الموت معناها ان الفرق بين السيف والموت . السيف معناها قتل . الموت معناها واحد مشي في السكة دي بقى .
عشان اتجنب انى يقتلونى بالسيف او ياخدوا فلوسى ، همشى فى السكة اللى فيها ايمان منحرف . اما وحوش الأرض فيرمز الى الوحشية بتاعة الشيطان و الناس اللى مشيين فى سكته يعامله الناس بالعنف و الوحشية .
الموت هنا هو عدم الايمان بالوهية المسيح. لان احنا عندنا الحياة هي المسيح .
انجيل يوحنا اصحاح تلاتة العدد ده مشهور جدا ومحفوظ هكذا احب الله حتى بذل ابنها الوحيد لكي لا يهلك كل من يؤمن به ، بل تكون له الحياة الابدية .
معناها الذي لا يؤمن بالمسيح يهلك يضيع . اللي يؤمن بالمسيح له حياة ابدية . يبقى واضح هنا . البدعة اللي هي بتاعة الفرس الاخضر ناس لا تؤمن بالوهية المسيح . طب ليه الوهية المسيح هي اللي تدينا حياة ؟
نسمع في معلمنا بولس الرسول في روميا ستة . لان اجرة الخطية هي موت . خطية ادم . وخطايانا احنا يعني في نوعين خطية ادم دي اصلية الجدية . وبعدين خطايانا كلنا . فاي انسان عليه حكم الموت سواء اخطأ او ما اخطأش . طبعا ما فيش حد ما بيخطأش . لكن هنفترض جدلا . ان في انسان حلو اوي . طيب واخلاقه وجميلة . لكن هو لسه مديون بخطية ادم اللي هو ما غلطهاش بس هي راكبة فيه . فيبقى اجرة الخطيئة موت . طب نتحرر من الموت ازاي ؟ هبة الله هي حياة ابدية بالمسيح يسوع ربنا .
طب واللي ما خدش المسيح ؟ يظل عليه الموت ، عشان يقول في انجيل يوحنا اصحاح تلاتة . الذي يؤمن به لا يدان . والذي لا يؤمن قاد دين . لانه لم يؤمن باسم ابن الله الوحيد . وهذه هي الدينونة ان النور قد جاء العالم . واحب الناس ظلم اكثر من النور لان اعمالهم كانت شريرة . الناس غاوية ظلمة و غاوية موت . غاوية خطية . غاوية ما تجيش للمسيح علشان يبررها .
الذي يؤمن بالابن له حياة ابدية . والذي لا يؤمن بالابن . لن يرى حياة بل يمكث عليه غضب الله . ما تاخد نصوص دي وتحطها على حكاية ان في فرس لونه اخضر راكب عليه واحد اسمه الموت والهوية تتبعه . يبقى الموت ده هو ايه ؟ اجرة الخطية . العلاج الايمان بالمسيح . طب واحد مش عايز يأمن بالمسيح خليك في الموت بتاعك . هتمشي بقى ورا الفرس الاخضر البيه البهتان د ويوديك للموت . عشان كده انجيل يوحنا في اخره يقول ايه ؟ ان النصوص دي كتبت له تؤمنوا . ان يسوع هو المسيح ابن الله . طب ايه النتيجة يعني ؟ ايه الفايدة ؟ لكي تكون لكم اذا امانتم حياة باسمه . طب واذا لم تؤمنوا هتجيب الحياء من فين ؟ .
عشان كده يقول السيد المسيح في يوحنا ستة الحق الحق اقول لكم من يؤمن بي فله حياة ابدية . هات العكس بقى من لا يؤمن به ما فيش حياة ابدية . وقال انا هو الخبز الحي الذي نزل من السماء ان اكل احد من هذا الخبز يحيا الى الابد . والخبز الذي انا اعطي هو جسدي . الذي ابذله من اجل حياة العام . طب قل لي بقى في واحد لم يؤمن بالمسيح ولم يتحد به في سر الافخارستية. كيف تأتيه الحياة ؟ .
كل البشر مائتين لانهم اتولدوا من من اصل مائت . الموت صار في كل البشر فالجدر بتاعنا ميت .
طب ناحية ازاي ؟ ما فيش حد يقدر يدينا الحياة الا المسيح . الانجيل يقول فيه كانت الحياة والحياة كانت نور الناس . هو ينبوع الحياة . فبنورك يا رب نعين النور . طب لو ما فيش المسيح قال الحق الحق اقول لكم ان لم تأكلوا جسد ابن الانسان وتشربوا دمه فليس لكم حياة فيكم . عشان كده اللي هو بعيد عن المسيح ايمانا واتحادا في الافخارستية و المعمودية طبعا يبقى هو ماشي ورا الفرس الاخضر اللي موديه الى الموت والهاوية . احنا نقول لي الحياة هي المسيح .
ويقول معلمنا يوحنا في رسالته ايها الاحباء لا تصدقوا كل روح . بل امتحنوا الارواح . هل هي من الله .. واحد جايب لنا عقيدة جديدة ديانة جديدة مبدأ جديد . مش نجري ورا الناس وخلاص لازم نمتحن . الروح دي من الله ولا مش من الله ؟ قال لان انبياء كذبة كثرين قد خرجوا الى العالم . طب ايه العلامة المميزة للأنسان اللي بيتكلم بروح الله .
قال بهذا تعرفون روح الله . كل روح يعترف بيسوع المسيح انه قد جاء في الجسد فهو من الله . وكل رح لا يعترف بيسوع المسيح انه قد جاء في الجسد فليس من الله . وهذا هو روح ضد المسيح الذي سمعتم انه ياتي والان هو في العالم .
واضح بقى ان الفرس الاخضر ده عبارة عن بدعة كبيرة جدا اساسها مبني على ان المسيح مش هو الله . وتنتشر بقى والناس تصدقها .
طيب لما الحتة بتاعته اعطيها سلطانا على ربع الارض . ليه يا رب بس تعطي سلطان على الربع الارض ؟ والسلطان بتاع الموت والهاوية دول ان يقتل قلنا بالسيف والجوع والموت وبوحوش الارض . اتكرر تاني السيف معناها صريح كده لو انت ما مشتش وراي هقتلك . الجوع معناها هسرق فلوسك فتقعد جعان . الموت معناها تمشي ورايا وتسمع كلامي . يبقى هاموت لانه ماشي في سكة الموت . وحوش الارض معناها العنف . والوحشية . والتهديد وان الانسان يبقى مرعوب . فده اربع وسائل يستخدمهم الشيطان في حربه ضد الكنيسة . بس انا حكاية ربع الارض دي ايه ؟ عدد كبير .
في يوحنا الاولى صح اربعة . بيقول هم من العالم . ده سبب في ان ربع العلم يمشي ورا الضلال . ليه ؟ هم من العالم . من اجل ذلك يتكلمون من العالم . والعالم يسمع لهم . هتلاقي ناس كتير تمشي في سكك الغلط . نحن من الله . ده يوحنا بيقول نحن يعني مسيحيين . فمن يعرف الله لا يسمع لهم ، و من ليس من الله يسمع لهم طبيعي .
من هذا نعرف روح الحق وروح الضلال . علشان في ناس كتير غاوية عالم وغاوية دنيا وغاية اكل وشرب وجنس وفي متعة وفي فسح . فتلاقيه يمشي في السكك الواسعة ديت . لكن الباب الضيق الناس تهابه تقول لك يا عم انا ايه اللي يدخلني من الباب الضيق .
عشان كده المسيح قال قليلون هم الذين يجدونه . ليه ؟ لانه الانسان العاقل الحكيم هو اللي دور فين التعب ، عشان التعب هو اللي بيوصل .
لكن اللى بيدور على الراحة والمتعة . عدد كبير من الناس . ده يفسر لنا ليه في عدد كبير من الناس تمشي ورا البدع والهرطقات . ودي تفكرنا بالكلمة اللي قالها السيد المسيح لما جم يقبضوا عليه في بستان جسيمانى . قال لهم هذه ساعتكم وسلطان الظلمة .
يعني الظلام احيانا بيبقى له ساعة له وقت . دلوقتي وقتكم خدوه . اسمه تدبير الازمنة . فاكرين لما اتكلمنا عن ان الشيطان في الاخر يتحل . كل حاجة اسمها تدبير ازمنة . فيه وقت فيه شيطان متكتف . لكن فيه شغل له . وفي وقت هيتحرر من قيوده وهيبقى الضلال عظيم . فكل حاجة اسمها تدبير الازمة .
لكن اللى يعزينة ايه ؟ في قصة ايليا . سفر الملوك الاول . وقف قدام ربنا قال له قد غرت غيرة للرب اله الجنود ، انا يا رب قلبي واكلني على ان الناس سابتك ومشيت . فقلبي مليان بالغيرة . ومحموق . لان بني اسرائيل قد تركوا عهدك . هو بيعتبر كل بني اسرائيل تركوا عهد . ونقضوا مذابحك وقتلوا انبيائك بالسيف فبقيت انا وحدي وهم يطلبون نفسي ليأخذوها . ربنا رد عليه قال له ما تخافش يا ايليا قد ابقيت في اسرائيل سبعة الاف . كل الركب التي لم تجثو للبعل وكل فم لم يقبله . فثقوا ان مهما كان في انتشار للرزيلة والخطية وانتشار للبدع والهرطقات . لكن في نفوس امينة وارجوك انت اللي بتسمعي دلوقتي تكون احد هذه النفوس الامينة . خلي الناس اللي يسمعك و يتبع الحق هو المستفيد .
ما يسمعكش خليك انت ما تسبش سكة الكنيسة سكة ربنا . ولو ادى في الامر زي ما الشعر اللي قاله بابا شنودة وان اطعت الله وحدي . حتى لو انا اطعت الله وحدي يكفيني ان انا اطيع الله .
وطبعا الكتاب المقدس لما ذكر لنا قصص كتيرة عن ناس اطاعوا ربنا بالرغم من انتشار الشر حواليهم. كان نوع من التشجيع لنا ان احنا نتمسك بايماننا. نتمسك باخلاقنا. نتمسك بروحانيتنا. نتمسك بانجيلنا. نتمسك بمسيحنا. نتمسك بالتناول من جسد الرب ودمه. يبقى هو ده الايمان المستقيم. الناس حوالينا بقى يمشوا كويس. خير وبركة. ماشيين غلط. هنعمل لهم ايه ؟ اما يسمعوا و ييجوا او هم بقى احرار اختاروا لنفسهم السكة الغلط . لان احنا الانجيل بتاعنا اسمه انجيل السلام . انجيل السلام يعني ايه ؟ زي ما المسيح قال لابائنا الرسل اي بيت بتدخلوه قولوا سلام لهذا البيت . ان كان بيت سلام موجود يحل سلامكم عليه. وان ما كانش سلامكم يرجع لكم. ما توجعش قلبك مع ناس مش غاوية تسمع الكلام الصح. بس انت ارمى البذرة. لو رفضوكم انفضوا ارجلكم قولوا حتى الغبار الذي لصق بنا من مدينتكم نردده لكم . بس قبل ما تسيبهم وتمشي قل لهم اعلموا هذا انه قد اقترب منكم ملكوت الله . خليك انت صوت صارخ في هدوء. مش في ثورة مش في هياج . فالهياج و الثورة هيخليك تفقد اعصابك تفقد روحانيتك تفقد اخلاقك هتلاقي نفسك انفعلت . اهنت اللي قدامك ازدريت بايمانيات وكل دي حاجات مش مسيحية لكن انت لما تكون واثق في ايمانك وبتعلنه بهدوء و من له اذن للسمع فليسمع. ما لوش اذن للسمع خلاص هنعمل له ايه .
اذا كان المسيح نفسه خدم وعلم الناس في الاخر صلبوه. مين في احسن من المسيحي يعني ، اذا كان ابائنا الرسل اللي هم اساسات الكنيسة نشروا الانجيل في كل مسكونة وفي الاخر في ناس امنت وناس ما امنتش. وفي ناس قتلوهم. يعني هو ليه الاباء الرسل استشهدوا ، ما هو لو الرسول من دول نزل خلى البلد كلها بقت مسيحية ، هيستشهد ليه ؟ ما كلهم بقى اولاده . لكن ليه في الاخر سحلوا مارمرقس ؟ لانى في ناس ما امنتش ، هل لان مارمرقس لغاية لما استشهد ما كنش كل اسكندرية او كل مصر امنت بالمسيح يبقى ده خادم فاشل ؟ مش معقول!
فاحنا نتوقع دايما انت بترمي البذرة فتصيب او تخيب اللي قدامك بحسب الارض اترمت فيها البذرة . لكن احنا ما نزعلش ما نفقدش اعصابنا ما نتضايقش. ما نحسش ان الدنيا ضلمت وان الكنيسة ضايعة وان وان. الكلام ده كله مش موجود. لكن انت تخدم في هدوء. و اخلص بنفسك وباللي حواليك. لان ممكن في اواخر الايام هبقى ضلالة عظيمة اذا كان قبل اخر الايام يقول لك اعطي سلطانا على ربع الارض. شحال بقى في الاخر ؟
طيب احنا كده اخدنا الاربع ختوم الاولى اللي هي الفرس الابيض والاحمر والاسود والاخضر البهتان. طيب بعد كده بقى ربنا عايز يورينا طب ايه شكل الناس اللي نتيجة الفرسان التلاتة اتعذبوا واتقتلوا وماتوا. سواء الحرب علنية بتاعة الفرس الاحمر او الحرب غير مباشرة بتاعة الفرس الاسود اللي غير ايمان الناس . او بالفرس الاخضر اللي هو فعلا له سلطان يعمل بالسيف وبالحرب و ارهاب وكله ده .
طب ناس اللي هم استشهدوا دول هيكونوا فين ؟ فده ولو هن في الختم الخامس . ولما فتح الختم الخامس رأيته تحت المذبح . نفوس الذين قتلوا من اجل كلمة الله ومن اجل الشهادة التي كانت عندهم . الحاجتين . كلمة والشهادة . وصرخوا بصوت عظيم قائلين . حتى متى ايها السيد القدوس والحق . لا تقضي وتنتقم لدمائنا من الساكنين على الارض . فاعطوا كل واحد ثيابا بيضا . وقيل لهم يستريح زمانا يسيرا . ايضا حتى يكمل العبيد رفقاؤهم واخوتهم ايضا . العكيدون ان يقتلوا مثلهم .
دي بقى النفوس اللي اتقتلت من اجل المسيح . اللي هو قال عنهم السيد المسيح ان اراد احد ان يأتي ورائي فلينكر نفسه ويحمل صليبه و يتبعي . فان من اراد ان يخلص نفسه يهلكها . ومن يهلك نفسه من اجلي يجدها .
ارجو ان احنا نكون مقتنعين ان ما ينفعش يكون مسيحية من غير صليب . تخيلوا كده الفكر المسيحي ما فيهوش صليب . ازاي يعني ؟ دخلت مبنى قالوا لي دي كنيسة . دخلت ما فيش صليب واحد . لا فوق ولا تحت ولا على السطور ولا على الايقونات ولا على مذابح ازاي الكنيسة ما فيهاش صليب ؟ ازاي ابقى انا انسان مسيحي ؟ ومش شايل صليب . طبعا انتم عارفين الصليب مش هو مجرد العلامة المزينة الجميلة دي . لا ده الصليب هو التعب . اللي قال عنه المزمور واقتبس نفس النص ده بولس الرسول . قد حسبنا مثل غنم للذبح . يعني مش بس الشهداء هم الذين قتلوا صراحة لكن كمان كل من يبذل مجهود من اجل المسيح . من اجلك نمات اليوم كله معناها مستمرة . عشان كده يقول معلمنا بولس مع المسيح صلبت . اقول له امتى ؟ يقول لي نمرة واحد في المعمودية . طبعا مدفونين معهم في المعمودية . لكن فعل الصليب فعل مستمر . الواحد يخرج من المعمودية . مختوم على انه مستعد ان يموت كل لحظة من اجل ربنا .
وهنا يموت كل لحظة مش مقصود بها ان انا مستني حد يقتلني . لكن معناها انا ببذل مجهود الى حد التعب اللي هو الموت . مع المسيح صلبت فاحيا لا انا . بل المسيح يحيا في . دي النتيجة الجميلة ، فما احياه الان في الجسد انما احياه في الايمان ، ايمان ابن الله الذي احبني واسلم نفسه لاجلي .
يعني احنا بنحبه لان هو حبنا اولا . احنا نموت من اجله لان هو مات من اجلنا . احنا مستعدين نتعب الى حد الدم . لان هو تعب معنا الى حد الدم فعلا . عشان كده يقول معلمنا بولس فى غلاطية . الذين هم للمسيح قد طلبوا الجسد مع الاهواء والشهوات. طبعا ما زالت الاهواء والشهوات تعمل فينا والواحد بيعافر و يكافح ضد الخطية و ضد الشهوة. لكن تغريب و قب لكن الانسان اللي هو ماشي في سكة ربنا. دايما بيقتل هذه الشهوات الداخليه. فاحنا مدعوين ان نستشهد ليس فقط بسفك الدماء. ولكن ايضا بالجهاد الروحي.
وهناك ذبائح اخرى غير ان الواحد يدبح. يعني مثلا المزمور يقول اذبح لله حمدا. و نقول له في مزمور تاني لك اذبح ذبيحة حمد او ذبيحة التسبيح.
ويقول معلمنا بولس في رومية 12 فاطلب اليكم ايها الاخوة برأفة الله. ان تقدموا اجسادكم ذبيحة حية مقدسة مرضية عند الله. هي ايه ؟ عبادتكم العقلية. ان الانسان يعبد الله بعقل و بفهم كل كلمة بنصلي بها نبقى فاهمينها واعينها وقاصدينها. مش كلام وبس فدي اسمها العبادة العقلية. ودي محتاجة مجهود يبقى دي الذبيحة اللي بنقدمها في كل يوم.
فاحنا عندنا في انواع من الاستشهاد. فيه استشهاد بسفك الدم وفيه استشهاد بشهادة للمسيح. وفيه ذبائح بنقدمها زي التسبيح او رفع ايديا كذبيحة مسائية امامك. او زي ما قال معلمنا بولس لا تنسوا فعل الخير والتوزيع. يعني الواحد يوزع فلوسه وعلى الناس. لان بذبائح مثل هذه يسر الله ان تقديم العطاء للجماعة الغلابة. دي ذبيحة مقبولة عند الله. الشهيد يوستينس يقول ايه ؟ اني اعتبر الصلوات وتقديم الحمد حينما يقدمها أشخاص معتبرون تكون هي وحدها الذبائح الكاملة والمقبولة لدى الله. كل ده بيفكرنا لما شفنا نفوس الذين قتلوا من اجل كلمة الله ومن اجل الشهادة التي كانت عندهم موجودة تحت المذبح . الذين قتلوا من اجل كلمة الله من اجل الشهادة التي كانت عنده .
انا عايز هنا بس اقف لحظة اقول ما هو مفهوم كلمة الشهيد في الفكر المسيحي .
الشهيد هو الانسان الذي شهد للمسيح في حياته ، وبعدين أستشهد .. على فكرة لما نيجي نقراها ما اقولش النهاردة نحتفل بان القديس فلان استشهد .. استشهد استشهد معناها واحد قرروا فقال ايوة انا اشهد للمسيح ايوة انا اعترف ان هو ابن الله الحي . انا باعبد الهي رب يسوع المسيح . نتيجة هذا الاستشهاد يقتلوه . فمش كل انسان يقتل او حادثة تحصل في الشارع نسميه شهيد . لكن الشهيد هو من يشهد للمسيح . وانه اتقتل من اجل هذه الشهادة . فا دي نوعية من الشهادة .
بس في نوعية تانية ان واحد من غير ما يسألوه قتلوه على خلفية انه مسيحي . يعني يدخل واحد ارهابي يفجر كنيسة الناس تموت . مش علشان دي حادثة . ده هو داخل علشان دول مسيحيين . ودول بيصلوا . عشان كده في شهادة باستشهاد الانسان ان هو يقرره . وفي شهادة ان هو يقتل لانهم مسيحي . زي مثلا شهداء بيت لحم . الاطفال . طبعا دول اطفال ما حدش سألهم . او مثلا عندنا مثلا بطرسية ولا كنيسة القديسين في اسكندرية ولا ماري جرجس ابو النجا في طنطا او الحاجات دي كلها .
هنا دي معناها قتلوا من اجل كلمة الله . ومن اجل الشهادة التي كانت عنده . طبعا اروع نموذج هم شهدائنا في ليبيا . اللي هو بيقرروهم وبيدوهم فرصة النجاة . لو انكرتم الايمان . يقول لك ولم يقبلوا النجاة . عشان كده الشهادة .
في بقى النوع التالت اللي هو انسان بيشهد للمسيح في حياته لغاية الممات . يعني مثلا يوحنا الحبيب اللي كتب الانجيل وسفر الرؤيا والرسايل لم يقتل .. بس هو طبعا في حياته اتنفى واتعذب وغيره . لكن لم يقتل . هل ده مقامه في السما اقل من الشهدا ؟ ما هو كان بيمات كل يوم . وفي الكنيسة مثلا القديس اثناسيوس الرسول العظيم ده . ده كان بيموت كل يوم . صحيح في الاخر تنيح بسلام . لكن حمل أكليل الشهادة كانه شهيد من اجل احتماله ضد الهراطقة .
فانا عايز اقول الذين قتلوا من اجل كلمة الله دي نوعية ومن اجل الشهادة التي كانت عندهم . قتلوا من اجل كلمة الله .. كلمة الله معناها المسيح او الكلمة المكتوبة اللي احنا بنكرز بها . يعني مسكوا بولس حطوه فى السجن ليه - ضربوه ليه - جلدوه ليه - رجموه ليه ؟ تنكسر به السفن ؟ من اجل كلمة الله . وفي الاخر قطعوا راسه في روما . وبطرس علقوه على صليب منكس الرأس . كل ده عشان ايه ؟ عشان الكرازة بيكرزوا بها . ومن اجل الشهادة التي كانت عندهم . كلمة الشهادة دي بقى .
مثلا المسيح في سفر الاعمال قال لابائنا الرسل ستنالون قوة متى حل الروح القدس عليكم وتكونون لي شهودا . هم اللي يشهدوا للمسيح . عشان كده تلاحظوا لما بعد صعود المسيح اجتمع الرسل وقالوا احنا عايزين نختار واحد مكان يهوذا . ايه الشرط ؟ يعني مين اللي نقدر نختاره ؟ ايه او الصفات اللي تتوفر في الشخص اللي نختاره مكان يهوذا ؟ قالوا ينبغي ان الرجال الذين اجتمعوا معنا كل الزمان الذي فيه دخل يا رب يسوع وخرج . منذ معمودية يوحنا الى اليوم الذي ارتفع فيه عنا اللي هو الصعود يصير واحد منهم شاهدا معنا بقيامته . ادي الشهادة . يشهد بقيامة المسيح نتيجة انه شاف بعينيه . والمسيح قال لهم كده .. هكذا هو مكتوب وهكذا كان ينبغي ان المسيح يتألم ويقوم من اموات في اليوم الثالث وان يكرز باسمه بالتوبة ومغفرة الخطايا لجميع الامم مبتدأ من اورشليم . وتشهدون انتم ايضا لانكم معي من الابتداء .
فالشهادة عن ما نعرفه عن المسيح . وهم اباءنا الرسل كانوا شهود بالعينين . اما نحن فيقول فليضيء نوركم هكذا قدام الناس . لكي يروا اعمالكم الحسنة ويمجدوا اباكم الذين في الذي في السماوات .
مرة تانية بقى احنا بنتكلم عن ايه ؟ لما اتفتح الخامس لقى نفوس الذين قتلوا تحت المذبح . وهنا ممكن نتأمل تأمل بسيط ولطيف جدا قالوه الاباء . قالوا المذبح ده يرمز للصليب . فوق المذبح مصلوب المسيح من اجل الكنيسة . وتحت المذبح . الكنيسة مذبوحة من اجل المسيح . هل انت من ضمن الناس المذبوحين ؟ هل انت من ضمن المصلوبين ؟ هل انت حياتك مرحرحة ؟ وفيها رخاء ومش سائل في الكنيسة ولا في المسيح ولا في الصليب ولا في الغلابة . عايش حياتك متمتع ولا انت شايل في التقيل ؟ هل انت قاعد حاطط رجل على رجل في جو مكيف وبقيت تكتب اراء واقتراحات وانتقادات ؟ ولا انت شايل معنا في الحمل ؟ حاطط كتفك تحت نير المسيح . خلي بالكم اللي هيتصلب هيتمجد . واللي هيعيش اعيش حياة منعمة . هيبقى غريب عن المسيح ، فلازم النور بتاع الشهادة للمسيح والتعب من اجل المسيح التعب من اجل الكنيسة . ينور الناس اللي حواليك .
هقف بقى عند حتة اخيرة ان الناس اللي تحت المشبح دول بيقولوا حتى متى ايها السيد القدوس والحق ؟ لا تقضى و تنتقم لدمائنا من الساكنين على الارض . هل النفوس ديا عندها غل ؟ يا رب انتقم منهم . هل احنا ننفع نصلي كده في الارض ؟ نقول يا رب انتقم . اذا كان احنا في الارض مش مفروض نقول كده زي اللي في الساعة بيقولوا كده . وبعدين يقولوا له السيد القدوس القدوس معناها لا يرضى بالظلم لا يرضى بعدم العدل . فبيصرخوا من اجل النقمة . عارفين دي زي ايه ؟ المرأة الارملة اللي كانت بتصرخ للقاضي ، يقول كان في تلك المدينة ارملة وكانت تأتي اليه قائلة انصفني من خصمي . يطلبون الانصاف . يقول افلا ينصف الله مختاريه ؟ الصارفين اليه نهارا وليلا . وهو متمهل عليهم . اقول لكم انه ينصفهم سريعا . لكن متى جاء ابن الانسان العله يجد الايمان على الارض ؟ الناس هتبطل تصلي ؟ .
لا يوجد لدى السمائيين شهوة انتقام . لكن معناها امتى يا رب ياتي يوم الدينونة ؟ اليوم الذي يستعلن فيه الحق . يستعلن فيه النور . احنا النهاردة بنبقى احيانا قاعدين مستغربين . هو الراجل الظالم الشرير دوت منتصر وطالع في العالي . والناس الغلابة مطحونين . ما حدش سائل فيهم . هو الراجل المفتري دوت عمال يعلى . والناس المطحونين عمالين يهبطوا . الغني بيزداد غنى والفقير يزداد فقر . هو فين العدل ؟ فهو ده التساؤل . انت يا رب لغاية امتى ؟ مش هتعلن حق . امتى يا ربي سلطانك يعلن وتخضع المتمردين عليك ؟ أمتى يا رب تقضي بالحق ضد الناس اللي ظلموا الكنيسة .
يقول معلمنا بولس رسالة تسالونيكي التانية انه حق ان الذين يضايقونكم يجازيهم ضيقا . ده عدل عند ربنا . اللي بيضايقك ده وانت انسان غلبان ما خدتش حقك بدراعك ربنا يجازيه ضيقا وانتم معنى راحة عند زهور ربنا يسوع المسيح . الانسان اللي اتضايق ياخد راحة والانسان اللي الظالم والمتعب ياخد عقوبته .
ده احنا على المستويات الصغيرة لو انت شغال في شغل. وبعدين انت بتبزل مجهود ضخم جدا بمنتهى الامانة والاخلاص. وما بتونش. وعندك واحد بيبلطج كده ولا سائل. وبعدين تلاقي ده بي ترقية وعلاوة . مرتبه عمال يعلى . وانت بيخصموا منك. تقول يا رب فين العدل .. فين العدل ؟ تبقى انت بتئن. مش مش شهوة انتقام . لكن اين العدل ؟ لما يكون ولد بيذاكر وجه زميل ونجح وجاب درجات اكتر منه لانه غش فيصرخ يقول له يا رب اين العدل ؟ طب انا تعبت وهو ما تعبش. ربنا يقول له لازم فيه وقت يظهر فيه العدل. طب امتى يراه في السما ، يقول له في الارض كمان. طب ازاي يعني .. يقول لي اللي هو نجح بالغش ده. حياته هتبقى كلها غش. لكن انت اللي تعبت وشخصيتك فيها اهتمام واخد بالك من مصلحتك ومن اللي حواليك. تطلع فيه دكتور يبقى ناصح جدا وماهر جدا. مش شرط يكون جاب امتياز في سنة اولى ولا في بكالوريوس. جايز كان جيد جيد ولا مقبول. بس هو واخد باله اوي. والتاني اللي كان بيطلع اول على الدفعة يكون بالغش تلاقيه مش مش نفس القوة. وفي نفس المجالات في المهندس في المحامي في المدرس كله كله. في واحد يتفوق في الدراسة. لكن عمليا مش متفوق. فبتتوزن. عشان كده الواحد لما يصرف يقول له يا رب امتى يبان الحق? يقول له ها انا اتى سريعا
ladlamp
يسعدنا ان نقدم لكم كل ما يخص المحتوى القبطى باستمرار – كما نتمنى منكم دعمنا و تشجيعكم لنا من خلال مشاركتكم و تعليقاتكم على محتوى موقعنا – حتى نستطيع تقديم المزيد بشكل مستمر
فتابعونا دائما على [ ladlamp.com ]
