تفسير سفر الرؤيا – حـ 9 ✟ الانبا رافائيل فى ها أنا أتى سريعا – شاهد و أقرأ – 📹 📝 – ✔

بسم الاب والابن والروح القدس الاله الواحد امين.

 

تفسير سفر الرؤيا - حـ 9

احبائي اهلا بكم في حلقة جديدة في برنامجكم. ها انا اتي سريعا لدراسة سفر الرؤيا .

وزي ما اتفقنا من اول مرة سفر الرؤيا عبارة عن سبع رؤى. احنا درسنا منهم رؤيا واحدة اللي هي بتاعة الكنائس السبعة. كل الرؤى اللي في السفربتتكلم عن مستقبل الكنيسة في الارض وفي السما.

الرؤيا الاولى :

بتاعة السبع كنايس قلنا بتتكلم كنائس محلية خدنا اساميها وفسرناها. وفي نفس الوقت الكلام بينطبق على كل كنيسة. على كل قلب. واحيانا يفسروه على مراحل تاريخية بتمر بها الكنيسة. سواء من ساعة التجسد لغاية المجيء التاني. او احيانا بتبقى كل كنيسة محلية بتمر بالظروف المتغيرة دي. فترة يبقى فيها ضيقة فترة يبقى فيها حد بيتكلم كلام مش مظبوط في الايمان ، يعني المراحل بتعدي على كل انسان فينا.

الرؤيا التانية :

اللي هنبتديها رؤياالختوم السبعة. ودي بتتكلم عن الكنيسة المتألمة. وفي نفس الوقت هي منتصرة. عشان برضه يبقى خريطة السفر قدام عنينا. او الرؤيا بتاعة الكنايس السبعة.

بعدين الختوم السبعة. بعدين الابواق السبعة اللي هي نتكلم عن انذارات الله للناس قبل الرؤيا بتاعة الجمات اللي فيها بيستعلن غضب الله وعقوبته للبشر. اللي هم ما سمعوش الانذارات.

يبقى احنا قدامنا في تلاتة دلوقتي نخليهم في بالنا لغاية ما نكمل بقية السفريعني. الختوم و الأبواق و الجامات

الختوم دي بتتكلم عن الله بيكشف لنا ايه اللي هيحصل ، عشان كده بيفتح الختوم الابواق الله بيعلن عن انذاراته و الجماد معناها بيصب الغضب بتاعه على الناس اللي ما سمعوش.

بالنسبة لرؤيا الختوم اول اربع  ختوم  بيبان فيهم اربع حصنة. اول فرس لونه ابيض بيرمز للمسيح المنتصر اللي طلع يغلب. وبعدين التلات الباقيين بيعبروا عن الكنيسة المتألمة. فرس احمر بتاع الاضطهاد والاستشهاد وسفك الدم. فرس اسود بتاع البدع والهرطقات. وفرس اخضر بتاع الموت. وبعدين دول كده اربع ختوم . الفرس الابيض والاحمر والاسود والاخضر. هيبقى يتبقى تلات ختوم . الختم الخامس هيبقى بيتكلم عن الكنيسة في السما. والشهداء تحت المذبح. الختم السادس هيتكلم عن احداث المجيء التاني. والختم السابع بيسلمنا لرؤيا الابواق.

• تفسير سفر الرؤيا - حـ 9 -

 

احنا هناخد النهاردة حاجة في الختوم السبعة.

بيقول في سفر الرؤيا اصحاح خمسة اول عدد ، ورأيت على يمين الجالس على العرش سفرا سفر يعني كتاب. مكتوبا من داخل ومن وراء ليه ؟ ، لان زمان الكتب ما كانش زي دلوقتي اللي فيها مفصلات كده. الكتب كانت رول. فيبقى من جوة مكتوب ادي من داخل ومن وراء اللي هو من من الخارج. والسفر المكتوب ده مختوم بسبعة ختوم. ختم معناها زي ما يكون في مكان متشمع بالشمع الاحمر وعليه ختم. فما حدش يقدر يفكه .

عشان كده يقول لم يستطع احد في السماء وعلى الارض ولا تحت الارض ان يفتح السفر ولا ان ينظر اليه. يعني عايز يقول ده في التاريخ اللي ما حدش يقدر يكشفه. لا نبي ولا رئيس ولا ملاك . ما هو ما فيش حد في السما ولا في الارض ولا تحت الارض يعني ولا الشياطين. ما حدش يقدر يكشف اسرار التاريخ. عشان كده يقول يوحنا صرت انا ابكي كثيرا. لان ما فيش حد قادر يفتح  الختوم هو عايز يعرف ، طالما انت يا رب اديتني فرصة. اشوف الرؤيا عايز اعرف. فجا له شيخ من الشيوخ اللي هم اربعة وعشرين شيخ. وقال له لا تبكي ما تخافش. هو هوذا في رؤيا خمسة خمسة. هوذا قد غلب الاسد الذي من سبط يهوذا اصل داوود ليفتح السفر ويفك ختومه السبعة. ركزوا معي في النص ده. غلب الاسد ، الاسد هو المسيح. من سبط لان المسيح مولود من ناس ليهوذا . اصل داوود وهنا هو من سبط يهوذا ولا هو اصل داوود ؟ اصل داوود يعني خالقه. طب هو خالقه ولا ابنه ؟  طبعا احنا فاهمينها خالقه باللاهوت وابنه بالناسوت . و هو اسد لانه قوي ومنتصر .

ولا حظوا ان كتاب المقدس قال لنا خلي بالكم ان الشيطان يجول كاسد زائر . طب هنا المسيح اسد هو الشيطان يعني الاسد ده يرمز للمسيح ولا للشيطان ؟  طبعا واضح يرمز للمسيح من جهته قوة والنبل لان يقول لك الاسد ملك الغابة فيه نبل كده . ويرمز للشيطان من جهة الوحشية والافتراس . فالمسيح هو الاسد الخارج من سبت يهوذا . هيفتح السفر ويفك ختومه . وهو اللي هيكشف لنا التاريخ .

ونظرت لما فتح الخروف واحدة من  الختوم السبعة اول ختم بقى وسمعت واحدا من الاربعة الحيوانات قائلا كصوت رعد هلم وانظر . احنا هنلاقي في اول اربع  ختوم  كل في واحد من اربعة حيوانات بيصرخ . طبعا بالمناسبة دي الاربع حيوانات هم منظر اسد  منظرا الثور  منظرا انسان  منظرا نسر . الاربعة دول بيرمزوا -- ركزوا معي الى مراحل حياة السيد المسيح على الارض .  منظرا الانسان بيرمز الى تأنس ابن الله . ده انسان .  منظرا الثور اللي بيدبح ذبيحة يرمز الى ذبيحة المسيح على الصليب .  منظرا الاسد بيرمز الى قوة المسيح في قيامته من الاموات وغلبة الموت . و منظرا النسر بيرمز الى صعود المسيح الى السماء وجلوسه عن يمين الاب.

• تفسير سفر الرؤيا - حـ 9 -

والاربع حيوانات دول ابائنا القديسين حطوهم على الاربع اناجيل. احفظوهم برضو. انجيل متى اخد وجه الانسان لانه بيتكلم عن سلسلة انساب المسيح وتجسده. مرقص اخد  منظرا الاسد لانه بيتكلم عن المسيح القوي اللي غلب. وانجيل لوقا اخد  منظرا الثور لانه بيتكلم عن المسيح المذبوح من اجل خلاص البشر. وانجيل يوحنا اخد  منظرا النسر لانه عن المسيح الاله الساكن في الاعالي.

هنا اول حيوان صرخ بيتوقعه المفسرون ان هو الاسد . لانه يقول لك صوته زي صوت رعد. وقال هلم وانظر. لما نيجي بقى عند ناس الفرس الاحمر نتوقع ان الحيوان اللي اعلن فتح الختم يكون الثور اللي هو مذبوح. وهكذا هنشوف دلوقتي.

سمعت واحدة من اربعة حيوانات قائلا كصوت رعد هلم وانظر صوت عالي. واذا فرس ابيض. والجالس عليه معه قوس وقد اعطي اكليلا وخرج غالبا ولكي يغلب.

هنا اول فرس بيتكلم عن المسيح الغالب المنتصر. قبل ما يجي لنا تلات فرسان الاحمر والاسود والاخضر اللي هم بيمثلوا ازمات بتعدي بها الكنيسة. جاب لنا الاول الفرس الابيض عشان ما نخافش. عامل زي المسيح قبل ما يدخل الصليب يوم الجمعة العظيمة. راح اقام لعازر من الموت. علشان يقول اوعوا تيأسوا. انا هقدر على الموت واغلبه اللي خلاني قومت العازر. مش هقدر اقوم نفسي. فدايما قبل التجربة ربنا بيدينا قوة ويدينا تعزية ويدينا احساس انه مش هيسيبنا. عشان كده اعلن الاول الفرس الابيض الجالس عليه بكل تأكيد هو المسيح. معه قوس . هنشوف دلوقتي يعني ايه ؟

واعطي اكليلا. وخرج غالبا ولكي يغلب. بعض المفسرين يقولوا ده بقى كمان بيرمز للرسل اللي انتشروا ينشروا الانجيل. اللي بيحمل رسالة السلام للناس. عشان كده فرس ابيض. والقوس هو كلمة الكرازة. اللي كل واحد من الكارزين بيمسك القوس والسهم بتاعه يضرب. يدخل السهم جوة القلب يملاه بالسلام. عكس بقى الاعداء الشياطين اللي هو بيبقى بتاعه فيه سم .

انتم عارفين كان زمان ربنا يحمينا جميعا. في الحروب بتاعة زمان كانوا بيستخدموا القوس والسهم . فكان احيانا يحطوا في بوز السهم سم . فلما يدخل في قلب العدو يسممه مش بس يعور واحيانا كان يحطه في بوز السهم مادة مشتعلة مثلا يحطوا مادة مشتعلة وحتة قطن وفيها نار . فلما يرمي السهم يعمل حريقة . فاحنا بقى بالنسبة لنا السهم بتاعنا هو كلمة الله اللي تدخل جوة قال بتخترقه وتملاه بالنور وبالسلام .

عشان كده يقول السيد المسيح قد كلمتكم بهذا ليكون لكم فيا سلام في العالم سيكون لكم ضيق . ولكن ثقوا انا قد غلبت العالم . لا حظوا الحتة دية . تطابق تماما مع سفر الرؤيا . في العالم سيكون لكم ضيق ده اللي هو التلات فرسان اللي جايين . احمر واسود واخضر . قلنا الاحمر بتاع الاستشهاد الاسود بتاع البدعة والهرطقات . والاخضر بتاع الموت والاوباء . الاوبئة . عشان قال لنا ما تخافوش انا قد غلبت العالم اللي هو الفرس الابيض . خرج غالبا ولكي يغلب . واحنا كمان ممكن نغلب العالم زي ما قال معلمنا يوحنا في رسالته . كل من ولد من الله يغلب العالم . وهذه هي الغلبة التي تغلب العالم ايه ؟ .. ايماننا ، من هو الذي يغلب العالم الا الذي يؤمن ان يسوع هو ابن الله ؟  خلي بالكم كلنا غالبين طالما انت مؤمن ان ربنا يسوع المسيح هو ابن الله يبقى انت في موقع الغلبة والنصرة . عشان كده بقول شكرا الذي يعطينا الغلبة بربنا يسوع المسيح . هو الغالب والغلبة بتاعته دية لصالحنا . لحسابنا .

اللون الابيض يعبر عن السلام والنقاوة . عشان كده نقول اذ قد تبررنا بالايمان لنا سلام مع الله بربنا يسوع المسيح . المسيح خرج فارس محارب لكن حرب سلام حرب يحارب بها قوى الشر اللي هو شيطان وجنوده . ويطردهم من حياتنا ويطردهم من هيكله اللي هو احنا ويدينا السلام . نتبرر بالايمان فنعيش في سلام . والسلام ده بينا وبين ربنا بربنا يسوع المسيح بينا وبين الاب يعني . وكمان بيني وبين نفسي يقول معلمنا بولس ادرب نفسي ليكون لي دائما ضمير بلا عثرة . من نحو الله و الناس . يبقى انا من جوايا حاسس بسلام لاني بدرب نفسي اني ما اغلطش وان غلطت اقوم بسرعة اصطلح مع ربنا . وسلام مع الناس اذا ارضت الرب طرق انسان جعل اعدائه ايضا يسالمونه . يعني احنا دايما بنحب في سلام بينا وبين ربنا سلام بينا وبين الناس وسلام بينا وبين انفسنا المسيح نفسه عمل هذه المصالحة السمائيين مع الارضيين الشعب مع الشعوب والنفس مع الجسد .

يبقى هنا الفرس لونه ابيض يعبر عن السلام و النقاوة والقوس هو اداة الحرب وقلنا زي ما اتفقنا حرب المسيح هي حرب سلامية . زي ما يكون في ناس مقهورين تخيل ان في مثلا حد اتخطف . وحبسينوا في مكان بيهدد بيذلوه بيضربوه . وطالبين فدية . وبعدين جه قائد في البوليس وراح واخد قوة من عساكر معه وراح نازل معه اسلحة . وراح مهدد الناس دول ما كنتوش تطلعوا الناس اللي انتم حابسينهم . احنا ندمركم. فاما يدخلوا في حرب ويدمروهم واما يستسلموا والناس دي تعيش في سلام بعد كده . فالمسيح جاي حررنا من سلطان ابليس. عشان كده معه قوس . وقال المسيح عن نفسه هو عامل زي الحجر . من سقط على هذا الحجر يترضد فمن سقط هو عليه يسحقه .

• تفسير سفر الرؤيا - حـ 9 -

خلي بالك المسيح على قد ما هو جميل وطيب ولذيذ وصالح. ساعة الجد يبقى يخوف. مخيف ان هو الوقوع في يدي الرب. اللي يقع على المسيح هو اللي بيجرح ما يتأثرش. والمسيح يقع عليه بيسحقه. وقال لبطرس على هذه الصخرة ابني كنيستي وابواب الجحيم لن تقوى عليه.

كده الفرس الاول اللي هو الابيض اللي بيمثل ربنا يسوع المسيح. وهو بينشر سلام في العالم تخيل واحد طالع على فرس بيجري معناها بينشر السلام.

وبعدين الختم التاني خرج فرس احمر فرس اخر احمر وللجالس عليه اعطي ان ينزع السلام من الارض. وان يقتل بعضهم بعضا واعطي سيفا عظيما. واضح بقى لونه والسلطان اللي هو واخده معناها هيبقى فيه نوع من الدموية. ينزع السلام خلي بالك بينزع السلام لكن ولاد اللي هو ما تبع الفرس الابيض يعيشوا في سلام. الدنيا مليانة اضطرابات لكن انت من جوة الدنيا هادية. ليه ؟ لان ملك السلام بيملك على قلبك. تقوم الحروب وتقوم الاوبئة تقوم المجاعات تقوم الزلازل الدنيا تتلخبط. انت من جوة واثق ان يحميك من هذا كله. ولنا في هذا مثل في العهد القديم في الضربات العشر ايام موسى كان شعب الله في امان. والوثنيين هم اللي بينضروا من الضربات.

عشان كده بالرغم من الفرس ده اعطي ان السلام من الارض من الارض لكن احنا سماء. احنا تبع المسيح. لان احنا لما اعتمدنا في المعمودية ارتبطنا بالمسيح. وصرنا مواطنين سمائيين. مواطناتنا هي في السماوات. عشان كده الارض بقى هي ترمز للعالم و الناس المرتبطين بالدنيا وبالطين وبالممتلكات وبالفلوس وبالكرامة وبالوظايف وبالرتب ، خليهم هم. دول بقى اللي يقتل بعضهم بعضا عشان المصالح بتاعتهم. واعطي سيفا عظيما معناها سيف هيخلي فيه حروب فى كل مكان.

طبعا الكنيسة ياما مرت على ظروف فيها الدنيا حمرا كده. اللي هي الارهاب او الاضطهاد سواء كان اضطهاد منظم او من ناس هوجاء بتيجى تعتدي على الكنايس. من ايام الرسل لغاية الان.

يقول ربنا يسوع المسيح في علامات مجيئه. فاذا سمعتم بحروب وقلاقل فلا تجزعوا. لانه لابد ان يكون هذا اولا. ولكن لا يكون المنتهى سريعا. وهتقوم امة على امة ومملكة على مملكة. وقبل هذا كله ايديهم عليكم ويطردونكم. ويسلمونكم الى مجامع وسجون وتساقون امام ملوك ولاه لاجل اسمه. فيكون ذلك لكم شهادة.

بالرغم من احنا متوقعين دايما ان يكون في حرب ضد الكنيسة وضد شعب الله. لكن دايما قلوبنا عايشة في سلام. ما تقلقوش. ليه ؟ لان ربنا قال لابد ان يكون هذا. معلمنا بولس قال لاننا موضوعون لهذا. ومع ذلك نقول بقى مع النشيد الجميل ده من سيفصلنا عن محبة المسيح ؟

خلي بالك كل اللي هقوله دلوقتي طبق عليه الفرس الاحمر. اشده ام مضيق ام اضطهاد ام جوع ام عري ام خطر ام سيف كما هو مكتوب اننا من اجلك نمات كل  النهار.

• تفسير سفر الرؤيا - حـ 9 -

نمات كل  النهار معناها انا بحسب نفسي ان انا كل دقيقة ممكن اتقتل. طبعا القتل المعنوي والقتل الادبي ان حد يتهمك بالباطل ان الناس تشنع عليك ان آيقطعوا عيشك. قد حسبنا مثل غنم للذبح. ولكننا في هذه جامعها يعظم انتصارنا بالذي احبنا. الفرس الابيض. بالرغم ان فيه فرس احمر جاي اقول له ما بيهمنيش. انا عند قبلك فرس ابيض. غلب وخارج لكي يغلب وهو الغالب.

عشان كده احنا بيعظم انتصارنا بالذي احبنا . عارفين انتم في في المذبح لما بيجيبوا مثلا حيوانات تتدبح . تور ولا عجل ولا خروف ولا غيره . الاول بيعدي على الدكتور يفحصه لاحسن يكون فيه مرض يأزي الناس . لو هو كشف عليه وعرف ان ده ينفع للذبح بيختمه . فتلاقي على الفروة بتاعة الخروف فيه ختم . يدخل للمجذرة يدبحوه . فاحنا الحقيقة اختمنا من بدرى . يوم المعمودية لان الميرون اسمه سر الختم . لما اتختمنا بسر الميرون صرنا جاهزين للذبح . قد حسبنا مثل غنم للذبح . لكننا في هذه جميعها يعظم انتصارنا بالذي احبنا . عشان كده احنا الاضطهاد و استشهاد لا يزعجون اطلاقا . سواء زمان كانوا ابائنا كده واحنا كمان لغاية النهاردة . لدرجة ابائنا الرسل قيل عنهم في سفر الاعمال . اما هم فذهبوا فرحين من امام المجمع لانهم حسبوا مستأهلين ان يهانوا من اجل اسمه . ايه رأيكم في دي ؟

ايه سبب فرحتكم ؟ قالوا احنا اه يا جماعة جوة اهانونا اهانة بليغة يعني . طب ايه يعني ؟ ده احنا فرحانين جدا هم أهانونا ليه ؟ لان احنا ما نستاهلش ان نهان من اجل المسيح . دي كرامة . هي هم بيعتبروها اهانة احنا بنعتبرها كرامة . ومع ذلك كانوا لا يذالون كل يوم في الهيكل وفي البيوت معلمين ومبشرين . بيسوع المسيح . لان ما حدش بيهددنا . ما حدش يهز عزيمتنا في العلاقة بالمسيح .

السؤال بقى ليه ؟ ليه المسيحيين متعرضين في كل جيل وفي كل مكان للاضطهاد ؟ طبعا يعني مش معقول احنا غاويين . او عندنا عقد الاضطهاد او ان احنا اه كل ما واحد يمسنا نقول بيضطهدونا لأ هو فيه حاجة . المسيح شرحها لنا في انجيل يوحنا أصحاح 15 . بيقول ان كان العالم يبغضكم فاعلموا انه قد ابغضني قبلكم . ما تضايقوش . لو كنتم من العالم لكان العالم يحب خاصته . لما تلاقي كل الناس بتمدحك وكل الناس بتقول عنك كلام جيد . دي حاجة مش مؤشر كويس يعني . لان معناها ان انت بتنافق الناس . مين هيعرف يرضي كل الاراء .

فعشان كده المقدس قال كلمة عجيبة جدا . قال ويل لكم اذا قال فيكم جميع الناس حسنا . هو لما الناس يقول علي كلام كويس يبقى ويل . اه مش شرط ان كل الناس اصل كل الناس معناها انت بخمسين وش . بتراضي ده وبتراضي ده وبتراض ده على حساب الحق . لكن لما تكون انسان حقاني الحقانيين يفرحوا بك . واللي بيحتهوا الحق هيضطهدوك . فلازم في حد يقول لك عليك كلام وحش . فالمسيح قال كده لو كنت من العالم لكان العالم يحب خاصته . هيتبسطوا منك . ولكن لانكم لستم من العالم . بل انا اخترتكم من العالم . لذلك يبغضكن العالم . طيب لو انا لقيت العالم مش بيبغضني . اقلق على نفسي . اذكروا الكلام الذي قلته لكم ليس عبد اعظم من سيده . ان كانوا قد اضطهدوني فسيضطهدونكم . اذا دي حاجة حتمية . هل هم قبلوا المسيح ولا اضطهدوه ؟ تقول لي فيه كده وفيه كده ؟ ايوا . عشان كده ان كانوا قد حفظوا كلامي فسيحفظون كلامكم برضه فيه كده . وفيه كده . فيه ناس لما اه الكنيسة تتكلم او حد من رجال الكهنوت يتكلموا ناس تسمع وتبقى مبسوطة متعزية . وفي ناس بتبقى قاعدة متأزية مش متعزية . في ناس تقبل وتتعلم وفي ناس تناقض وتقاوم .

بولس الرسول لما كان يدخل المجمع يقول لك في ناس تأمن وناس تقاوم . وكان احيانا عدد اللي بيقاوم اكتر من اللى بيقتنع ، في احد المجامع نفض ثيابه قال لهم دمكم عليكم . كان ينبغي ان تكلموا انتم اولا بالكلمة لكن لانكم انتم رفضتوها خلاص هسيبكم وراح في بيت واحد جنب المجمع اسمه يسطس وعمل اجتماعه . وساب المجمع

فالمسيح نفسه قال كده اذا قبلوا كلامكم اقعدوا ما قبلوش انفضوا ارجلكم . ان كانوا قد اضطهدوني فسيضطهدونكم . ان كانوا قد حفظوا كلامي فسيحفظون كلامك . لكنهم انما يفعلون بكم هذا كله . من اجل اسمي لانهم لا يعرفون الذي ارسلني .

يبقى ده كله بيعبر عن الفرس اللي لونه احمر . اللي هو الاضطهاد اللي جاي على الكنيسة . طبعا زمان ايام ابائنا القديسين . على مدى عشرة اباطرة . كان فيه اضطهادات . جت في في الرسايل الاولى بتاع اللي احنا الرؤيا الاولى بتاعة الكنايس قال له فيه يسلم للسجن عشرة ايام . عشرة ايام قلنا عشرة اباطرة من اول واحد اسمه نيرون لغاية اخر واحد دقلاديانوس . جه قسطنطين اللي هو منشور التسامح الديني .

فالكنيسة قعدت بتتحط في السجن وبتتضرب وبتطارد . ممنوع حد يصلي وكانوا بيصلوا في السراديب . وفي الكهوف وفي المغاير وفي شقوق الارض . ومع ذلك سبت وفي الايمان .

فده كله كان  الفرس او العصر الاحمر ده اللي فيه دم . وطبعا زي ما احنا واخدين بالنا في كل الاجيال . احيانا تحصل ان الكنيسة يبقى في وقت كده الدنيا مقلوبة . طيب لما الاحمر دوت بيستخبى شوية يطلع لنا الاسود بقى . خلوا بالكم . طول ما في اضطهاد من برة البدع والهرطقات صوتها يخف . اول ما النيسة تعيش في سلام الشيطان بيصعب عليه . ايه اللي معيشكم في سلام ؟ الدولة بتحبكم والناس محافظة عليكم والدنيا ما فيش اضطهاد . ما فيش كناش بتتحرق . ما فيش كنايس بتتهد . هيسكت الشيطان طلع لنا البدع بقى .

لما فتح الختم الثالث سمعت الحيوان الثالث قائلا هلم وانظر .

هنا بقى نظرته واذا فرس اسود . اللي هو البدعة . او الجوع . الجالس عليه معه ميزان في يده . الميزان العدل . وده الغش بقى . ان واحد ماسك ميزان لكنه المعايير بتاعته غلط . سمعت صوتا في وسط الاربعة الحيوانات قائلا سميت قمح بدينار . وثلاث سماني شعير بدينار . اما الزيت والخمر فلا تضرهما . الميزان هنا بيشير الى شدة القحط . ليه بقى ؟ .

فى حزقيال اصحاح اربعة يقول ايه ؟ يا ابن ادم ها انا ده اكثر قوام الخبز في اورشليم . فيأكلون الخبز بالوزن وبالغم . يعني ايه يكثر قوام الخبز ؟ تخيل واحد رايح للفرن يشتري من عندهم ربع رغيف . من الغلا . تخيل ان احنا بقى في مصر لما تشتري كم رغيف ويزيد ويترمي في الزبالة . ييجي وقت بقى الواحد يشتري ربع رغيف . يروح يشتري شقة بطيخ . بدل ما يشتري بطيخ يشتري شقة . ويوذعها على عياله بالفتافيت . ده ايه الغلا ده! ها انا ذا اكثر قوام الخبز في اورشليم فيأكلون الخب بالوزن وبالغم ويشربون الماء بالكيل . يقول له استنى انت شربت كتير المية ما فيش ماية . خد بق وادي اخوك بق . يشربون الماء بالكيل بالحيرة لكي يعوذهم الخبز والماء . اللي هي ابسط حاجة مش مثلا لحمة وخضار ده الخبز والماء يعوذها . ويتحير الرجل واخوه ويفنوا باسمهم .

هنا المجاعة دية يقصد بها يعني اما مجاعة حقيقية للخبز والماء والعيش عموما . واما كمان مجاعة الى التعليم . ليه ؟ لان ما فيش تعليم نقي في الكنيسة يبقى فرس اسود . التعليم في كنيسة مهم جدا . المسيح نبهنا في علامات مجيئه . ودي بتتكرر كتير في كل حتة في سفر الرؤيا . فيقوم مسحاء كذبة وانبياء كذبة . ويعطون ايات عظيمة وعجائب لحظة . حتى يضلوا لو امكن المختارين ايضا . وانا في تقديري ان ما حدش هيضل بالمسحاء الكذبة والانبياء الا المختاريين .

لان الناس اللي هم اساسا وحشين لا هيسمع للمسيح الكداب ولا للنبي الكداب . هو ماشي مع الشيطان . اللي في الاباحية واللي في الجنس واللي في المادية واللي في العلمانية واللي في العقلانية واللي .. فالناس مشغولة مش فاضية بقى الواحد يتكلم عن ربنا .

مين بقى اللي بيحبك ؟ يسمع عن ربنا ؟ الناس الحلوة . طب والناس الحلوة دي الشيطان هيسيبها ؟ دي دي التارجت بتاع الشيطان . طب لما ييجي يزغلل عنينا بحاجات اباحية . نقول لا لا احنا ما لناش في الجو ده . طب ازاي اللي لقينا بالفلوس يا عم فلوس ايه وبتاع ايه دي الدنيا باطلة واحنا رايحين السما . طب يزغلل عنينا بايه ؟ يجيب لنا بقى تعليم . والناس تحب التعليم تقعد تتفرج كده على التليفزيون والانبياء الكذبة والمسحاء الكذبة يبتدوا بقى يتكلموا كلام يضلوا به المختارين .

ودي عبر السيد المسيح بحاجة تانية للوقت بعد ضيق تلك الايام تظلم الشمس . والقمر لا يعطي ضوءه . والنجوم تسقط من السماء وقوات السماوات تتزعزع . ايه دول ؟ طبعا ممكن تبقى حرفيا الشمس تضل والقمر وخلاص يبقى النهاية جت ، لكن كمان بالمعنى الرمزي الشمس هو المسيح . طب ازاي المسيح يظلم ؟ لان هتيجي سحابة غامقة اوي تغطي على نوره . نور المسيح المشرق على الكنيسة بالتعليم المستقيم . هييجوا الهراطقة يغطوا عليه . ده انت مش شايف المسيح والقمر اللي هو بياخد ضوءه من الشمس . طالما الشمس كده مستخبية . هينور ازاي ؟ القمر هو الكنيسة . اللي منورة بنور المسيح . لما ييجي الهراطقة يتكاتفوا كلهم مع بعض . ضد الكنيسة . وضد المسيح وهم بيعلموا كأنهم كلام المسيح . ما هو دي المشكلة انه بيعلم كلام كأنه الاباء والمسيح والكتاب المقدس والكلام المزبوط والمقنع اللي بيجرجر وراه ناس حلوة . لا الشمس ضلمت والقمر لا يعطي ضوء . والنجوم من هم النجوم الا ؟ قادة الكنيسة . والكهنة والاساقفة والدنيا الجميلة . تتساقط . وقوات السماوات تتزعزع . اللي هي قوات الكنيسة . السماوات .

عشان كده يقول معلمنا بولس الرسول في كورنتوس الاولى . وارجو تكون دي رسالة لي ولكل خادم في الكنيسة . انا لما اتيت اليكم ايها الاخوة اتيت ليس بسمو الكلام او الحكمة . مناديا لكم بشهادة الله . لان سمو الكلام والحكمة الانسانية على طول يجرجر الانسان للغلط . المسيح بسيط الانجيل بسيط والايمان بسيط . وعشان كده البسطاء بيقبلوه بسهولة اكتر من المتفلسفين . كلامي وكرازتى لم يكون بكلام الحكمة الانسانية المقنع . بل  برهان الروح والقوة . عشان ايه ؟ قال لكي يكون لا يكون ايمانكم بحكمة الناس بل بقوة الله . هو عايزنا نعيش بقوة ربنا مش بالفلسفة والكلام البراق اللي بيزغلل العينين .

ويقول معلمنا بولس لتلميذة تيماثوس ان كان احد يعلم تعليما اخر ولا يوافق كلمات ربنا يسوع المسيح الصحيحة . والتعليم الذي هو حسب التقوى فقد تصلف . وهو لا يفهم شيئا . بل هو متعلل بمباحثات مماحكات الكلام التي منها يحسد الحسد . ادي الفرس يسود . النتيجة الثمرة بتاعة التعليم الغلط . يحصل الحسد والخصام والافتراء والجنون والمنازعات . وتبقى في انشقاق . بسبب التعليم الغلط .

اما رجال الله القديسين يقول له يا تيماثوس احفظ الوديعة . معرضا عن الكلام الباطل الدنس ومخالفات العلم الكاذب الاسم . الذي اذا تظاهر به قوم زاغوا من جهات الايمان .

اللي يعزينا بقى ان يقول لك اما الزيت والخمر فلا تضرهما . فيه مجاعة فالقمح ، سمية قمح بدينار خلي بالكم الدينار ده اجرة العامل في اليوم . يعني النهارده شف اللي بيبيض الحيطة بياخد كم في اليوم ؟ اجرة العامل في يوم دينار . سمية قمح دي نص رغيف عيش . تخيل واحد اشتغل طول النهار واخد اجرته وفي الاخر يا دوبك جايب حتة لقمة قد كده عشان يأكل عياله ومراته . وثلاث سمامي شعير بدينار . الشعير اكل الفقراء والقمح اكل الاغنياء . كله بقى غالي .

اما الزيت والخمر فلا تضرهم ، الزيت والخمر يرمزه لاسرار الكنيسة . فاكرين مزمور الراعي ؟ مساحته بالدهن رأسي كأس رية . فالانسان مهما الضلال جه والتعليم بقى مش مظبوط . الشيء اللي فعلا حصل في التاريخ وحصل دلوقتي الا اسرار الكنيسة . تلاقي الناس دماغها تتلوح سامحوني في التعبير بالفلسفة والكلام البراق لكن في الاخر الكنيسة هي الكنيسة ، القداس والتناول والبخور والاداء والمذبح و القطمارس والالحان ، فالزيت والخمر مش هينضروا .

ايام اخطر البدع بتاعة اريوس وماقدونيوس وانسطور و اوطاخى . ما حدش مس اسرار الكنيسة . طبعا امست في الحركة بتاعة البروتوستانت . لكن ولا الكنيسة اتهزت . يعني ايام أريوس ما قالش ان الخبز مش جسد الرب . ولا انسطور ولا مقدونيوس ما حدش جاب سيرة اسرار الكنيسة . للكهنوت حد طعن فيه . ولا المعمودية ولا الميرون ولا الزواج ولا اي حاجة . دي بدأت الطعن في الاسرار ايام الثورة البروتستانت للاسف . ولم تتأثر الكنيسة دول خرجوا برة الكنيسة زي ما هي الخمر والزيت لا تضرهما . اللي هي اسرار الكنيسة . الخمر يرمز للفرح والزيت يرمز لعمل الروح القدس .

• تفسير سفر الرؤيا - حـ 9 -

طبعا باقي لنا الفرس الاخضر نسيبه للمرة الجاية مع بقية الختوم ..