نيوباترسيتك ( أفكار و بدع حديثة )
هناك رهبان في الكنيسة البيزنطية اسمهم الهدوئيون. الهدوئيون دول ما زال الممارسة بتاعتهم موجودة في جبل أثوس حتى اليوم.
جبل أثوس (ويعرف أيضا بالجبل المقدس يقع في شمال اليونان ويعتبر منطقة سكنية، حيث يقيم هناك رهبان من مختلف الكنائس الأرثوذكسية )
لهم طريقة في الصلاة انه يقعد في مكان هادي. و يركز ذهنه ما يشتتش ويطفي النور ويبتدي عامل زي اليوجا. يقول لك اسحب افكارك لقلبك ومع كل شهيق وزفير قل يسوع يسوع. يسموها الصلاة الهدوئية.
وهم نفسهم يقولوا نتيجة الصلاة دي انت بتوصل الى قامات روحية عالية واستنارة في الذهن ورؤية طوبانية وترى مناظر روحية وتتأله.
في ناس وقتها اعترضوا على الطريقة دي. قالوا احنا ايه ده؟ دي طريقة جنوب شرق اسيا. اليوجا دي مش بتاعتنا. فهو كتب (غريغوريوس بالاماس ) تلات كتب في الدفاع عن الهدوئين. مترجمين عربي. وتبنى فكرة الهدوئين. وكان في واحد اسمه برلعام هو المتحمس لمهاجمة الهدوئين. واتعمل مجمع في الكنيسة البيزنطية. هذا المجمع نصف غريغوريوس بالاماس ضد برلعام
واصبح عقيد عندهم أنى الاهوت اساسا الارثوذكسي و علامة اللاهوتي الارثوذكسي انه يؤمن بالتأليه. واذا ما امنتش بالتأليه تبقى انت مش ارثوذكسي.
يا سيدي احنا بنؤمن بها في وسط عقائد كده ، لكن لا هي العقائد الاساسية. المسيح جاي من السما عشان يألهنا. عشان كده لو سألناهم طب لو ادم ما غلطش . كان هيجي اه هييجي عشان يألهنا .
ففي الحقيقة لو ربنا عايز يألهنا مكان يألهنا من ايام ادم وخلصت القصة. لازم يا عيني ييجي. طب ما هو من الاول كان يخلقنا ألها.
هو في الحقيقة ربنا فعلا من البداية خلانا صورته وهي دي التأليه. ان احنا صورة الله. صورة الله في حاجتين مهمين جدا. حياة ابدية ومجد ابد. فقدناهم بسبب الخطية. رجعهم لنا تاني بالتجسد. فصرنا مرة تاني لنا حياة ابدية. معلمنا يوحنا في رسالته قال هذا هو الوعد الذي وعدنا به الحياة الابدية. ووعدنا بمجد ابدا يزرع في هوان ويقام في مجد. فدي لما ناخد الحياة الابدية والمجد الابدي هنجلس على كراسي. ونبقى في حضرة الله. يظل الله هو الله واخدين من نعمته. ده بمنتهى البساطة.
ladlamp
يسعدنا ان نقدم لكم كل ما يخص المحتوى القبطى باستمرار – كما نتمنى منكم دعمنا و تشجيعكم لنا من خلال مشاركتكم و تعليقاتكم على محتوى موقعنا – حتى نستطيع تقديم المزيد بشكل مستمر
فتابعونا دائما على [ ladlamp.com ]
