فيديو .. هل يمكن ترتيب الثالوث القدوس بشكل مختلف عن ما نعرفه ؟ – أبونا داود لمعى | مقتطفات أباء – 📹 📝 – ✔

برضو موضوع الثالوث ده مش واضح.

عاوز اقول لكم على فكرة بسيطة في الطقس تساعدكم. احنا عادة بنقول الاب والابن والروح القدس. فينفع نقول الابن والاب والروح القدس؟ ، طبعا ينفع.

ينفع نقول الروح القدس والاب والابن ينفع؟ ، ليه؟

من جهة اللاهوت هو لاهوت واحد. يعني الاب الهنا الحي والروح القدس الهنا. والابن الهنا. و هقول لكم الترتيب سببه ايه.  و هديكم اثبات من الطقس. احنا مثلا نقول ايه ، بشفاعة والدة الاله. و نقول نسجد لك ايها المسيح مع ابيك الصالح. يبقى ابتدينا بمين؟ ابتدينا بالمسيح مش كده ؟ ده مش معناه ان المسيح قبل الاب ما فيش حاجة اسمها كده. ولا قبل الروح القدس. مع ان المعتاد نقول ايه ؟ نسجد للاب والابن دي موجودة في اللحن بيوتنا. يعني نسجد للاب والابن.

تعالوا نروح لقانون الايمان نقول ايه، نعم نؤمن بالروح القدس. الرب المحي المنبثق من الاب. نسجد لهم ونمجده، مع الاب والابن. يبقى ابتدينا بايه؟ ، بالروح القدس. ولو روحنا للاب والابن.

الكنيسة بتعلمنا بصلواتها البسيطة انه على قد ما احنا عادة بنقول بسم الاب والابن والروح القدس لكن لو كلمنا المسيح نقول مع الاب والابن ولو كلمنا الروح القدس نقول مع الاب و الأبن ما عندناش مشكلة. لاننا في الاخر ثالوث في واحد و واحد في ثالوث. واضحة؟ .

ده تأكيدا في الطقس او في الليتورجية بالذات ان احنا عايشين في ايمان بالثالوث الاقدس المساوي.

المساوي يعني الواحد في اللاهوت. في الالوها هو لاهوت واحد. هو واحدة وجوهر واحد. طيب ليه عادة بنقول الاب والابن والروح القدس؟ ، لانه الاب مصدر الالوها. يعني الاب يولد منه الابن وينبثق منه الروح القدس. ما فيش زمن. يعني ايه؟ ، لا يوجد اب بدون ابن وروح قدس. لكن الابن ابن الاب والروح القدس منبثق من الاب او روح الاب والابن. فهنا زي ما بنقول الشمس طالع منها نور وطالع منها حرارة. لكن هي مش ممكن هتبقى شمس لو ما فيهاش نور حر .

فاحنا لما بنقول الابن ابن الاب والروح القدس روح الاب وبرضو روح المسيح ما هو الروح القدس. هنا تلاحظوا ان احنا بنعمل المرجعية للاب. مش لانه اعلى ، اعلى تبقى اريوسية. اريوسية ايه اريوس شاف ان الاب اعلى من الابن لأ ده مش مسيحية دي.

المسيح له المجد ابن الاب او ابن الله بالحقيقة يعني زي ما بنقولها في قانون الايمان اله حقيقي من اله حقيقي. مولود من الاب قبل كل الدهور. يعني ما كنش في زمن لو فيه زمن يبقى الاب قبل الابن زمنيا او اعلى منه. لكن ما فيش زمن يبقى واحد معه في الجوهر. لكن بذكر الاب بطريقة كأول كلمة عادة لانه يولد منه الابن مولود من الاب. ونحن نؤمن بالروح القدس. المنبسق من الاب.

عشان كده تلاحظوا حاجة مهمة برضو في العقيدة بتاعتنا. لما في القرن الحادى عشر طلع بطرك في الفاتيكان حب يضيف على قانون الايمان كلمة منبثق من الاب والابن. عملت ازمة في الكنيسة. وازمه بيسموه الانشقاق العظيم في تاريخ الكنيسة. ليه؟ لانه لو الروح القدس بينبثق من الاب ومن الابن فصلنا الاب عن الابن من جهة اللاهوت. كان فيه الهين هنا. كأن فيه مصدرين للالوهة.

ثانيا الاية اللي قاله المسيح . قال الذى من عند الاب ينبثق يعني المسيح نفسه ما قالش ينبثق مني بس هو والروح القدس والاب لاهوت واحد. هنا عشان ما لخبطكوش عاوزين نتميز برضه في اللاهوت بين فعل الارسال وفعل الانبثاق .