يوستينا في غيبوبة بسبب نزيف في المخ ومونيكا تعاني اصابات في الرأس ..
تداول رواد موقع التواصل الاجتماعي (فيسبوك) منشور يفيد بوقوع حادث اليم بسبب السرعة الجنونية وجاء بنصه :
" يوستينا أطيب إنسان ممكن تقابله ف حياتك وتعرفه قلب أطفال حنية الدنيا خادمة كما يقول الكتاب أخت مفيش أحلى منها وبنت طاعة مش هتلآقى ف جمالها. إمبارح كانت خارجة من شغلها هى وصاحبتها من الصيدلية زى كل يوم عديت أول تعدية بسلام و واقفين على الرصيف راح واحد ماشى بسررعة جنونية ف شارع التحرير طلع فوق الرصيف وشالهم من كتر الخبطة يوستينا اتنطرت اتخبطت مرة ف العربية مرة لما وقعت.
و مونيكا دماغها اتفتحت جروح خارجية و داخلية ف راسها و كدمات ف كل جسمها و جروح ف الايد و يوستينا ف غيبوبة من إمبارح عندها نزيف ف المخ كبير و كدمة جوا المخ وكسر كبير محتاج عملية ف رجلها وكدمة ف الرئة و كسر ف الحوض.
كل دة وهى مش واعية مش عارفين حتى نعملها عملية رجلها عشان النزيف أللى ف المخ المفاجأة بعد كل دة إن الولد خرجوه إمبارح حتى من قبل ما إحنا نروح!!!!!!!! يعنى منيم بنتين ٢٣ سنة و ٢٥ سنة ف المستشفى وهو روح ينام ف بيته ؟؟!!!!.
عرفنا إن صاحبة العربية حد مهم وحاسيين الموضوع بيطربخ كعادة اى حاجة بتحصل بيدخل فيها حد مهم مش عايزين حاجه غير صلوات من نار ليوستينا وإن ربنا يجيبلها حقها شير لو سمحتم ف كل مكان تعرفوه عشان يعرفوا إن ربنا أهم من اى حد مهم. "
المصدر : الأقباط متحدون
ladlamp
يسعدنا ان نقدم لكم كل ما يخص المحتوى القبطى باستمرار – كما نتمنى منكم دعمنا و تشجيعكم لنا من خلال مشاركتكم و تعليقاتكم على محتوى موقعنا – حتى نستطيع تقديم المزيد بشكل مستمر
فتابعونا دائما على [ ladlamp.com ]
شاهدنا أيضا على : ladlamp2
