كلمات مديح و تمجيد القديس
الأنبا بولا أول السواح -2- يا أنبا بولا
الأنبا بولا أول السواح
يا أنبا بولا --- يا أول السواح --- يا قديس وبار --- بتنور كالمصباح
سيرتك نقية --- جيت هنا بسماح --- من رب القوات --- وقلبك به إرتاح
سبت العالم كله --- ولا بصيت وراك --- وقلبك كان مشغول --- بالرب اللى فداك
مين زيك يا حبيب --- ده يسوع هو اللى هداك --- تسكن دا المكان --- وحدك ولا حد معاك
رب القدرة يأمر --- مع كل غروب --- غراب معاه نصف خبزة --- لا تأخر يوم ولا غاب
ده أمر غريب وعجيب --- تحتار فيه الألباب --- طير بيعول انسان --- لدى رب الأرباب
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
لما مات أبوه --- والمال كان عنده كتير --- طمع فيه أخوه --- وقاله أنت صغير
نصيبك يبقى قليل --- ونصيبى أنا الكبير --- هى دى القسمة --- اللى لازم تصير
حب ينصفوه --- من اللى ظلموه --- قام راح للقاضى --- يحكم مابينه وبينه
قابل فى السكة --- وجنازة وناس بيبكوا --- رجع فى رأيه --- وساب ماله لأخوه
العالم فيه إيه --- علشان تتمسك بيه --- الكل باطل باطل --- والعين ماتشبع بيه
بتجرى ورا إيه --- نفسك طمعانة فى إيه --- إن دامت لحد --- تبقى تدوم لىّ
أنا إيه ينفعنى --- لو أربح العالم --- وأخسر نفسى --- وأعيش فى خصام
الحية زمان --- أغرت أبونا آدم --- وخليته يقع --- ويعيش فى ظلام
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
يارب إرشدنى --- وإهدى لى سبلى --- وشق لى طريق --- وياك يحلى لى
تختاره إيديك --- ويمينك تسندنى --- يارب إسمعنى --- أسرع وأعنى
ابكى يا إنسان --- على أخوك الإنسان --- التايه والتعبان --- المهموم والحيران
المحتاج للحنان --- محتاج للأمان --- قلبه بيصرخ --- لإله الأكوان
شوف المكار --- وحيله مع الأبرار --- يدخل فكر الناس --- ويحولهم أشرار
يارب نجينا --- من شر الغدار --- وأحفظنا فى إسمك --- نكون ويا الأبرار
لمقبرة راح --- يبيت فيها ويرتاح --- ثلاث أيام يصلى --- ويطلب بإلحاح
الرب يتحنن --- ويكتب له النجاح --- القرار مش سهل --- ويحتاج لإيضاح
ظهر له ملاك --- قواه وعزاه --- --- أرشده للبرية --- صحبه وصار معاه
وصلوا المكان --- فرح لما رآه --- هنا نام على الصخر --- وإتغطا بسماه
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
بدأ جهاده --- صوم وصلاة ودموع --- نسك وطهارة --- وسجود بخشوع
يتحمل البرد --- ويصبر على الجوع --- يأكل نصف خبزة --- ويشرب من الينبوع
مت عن العالم --- فمك ماداق الطعام --- عينك ماشافت إنسان --- ناظر لله دايمًا
ورجليك الطاهرة --- ماتركته لحظة --- حتى اتقال عنها --- الأرض نالت بركة
لبست توب الليف --- على جسدك النحيف --- وصار حمله خفيف --- عشت غريب وضيف
ظلام المغارة أنار --- بصلوات البار --- تشهد لك بوقار --- سيرة مملؤة فخار
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
يا موسى فى البرية --- ياإيليا الجديد --- يا داود الوديع --- يا يوحنا العتيد
تركت غنى العالم --- نلت الكنز الأكيد --- كان حبك لإلهك --- كل يوم بيزيد
بخور طيبك قد فاح --- ملأ الدنيا أفراح --- لولاك مانزل مطر --- ولاندى يحيى الأرواح
فى أوان النيل يفيض --- يروى الارض براح --- ومعاك الخير يجى --- يحتار فيه المداح
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
لما أراد الله --- يُظهر برك وضياك --- أرسل ملاكه للأب --- أنبا انطونيوس هناك
مشى لك يوم بتمام --- بيطلب رؤياك --- فدخلت المغارة --- وقفلت الباب وراك
صرخ الأنبا انطونيوس --- وقال لك يا مبارك --- قابلت إليك وحوش --- إقبلنى لأتبارك
سألت فأُعطيت --- طلبت فوجدت --- قرعت وأنا أؤمن --- إنه يفتح لى
لما جه الغروب --- جه غراب ومعاه --- خبزابا كاملة --- لضيف الأنبا بولا
قال أنت حبيبه --- لك دالة عند الله --- لى سبعين سنة --- بيرسل نصف خبزة
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
لما عرف القديس --- إن الوقت قد حان --- يترك العالم --- والتعب والأحزان
قال للأنبا انطونيوس --- إرجع ديرك الآن --- هات توب أثناسيوس --- حامى الإيمان
وهو فى الطريق --- راجع بتوب اليقين --- شاف ملائكة تهلل --- ولروح البار حاملين
نال أبونا الإكليل --- بعد جهاد سنين --- وكفنه بالثوب --- وبكى عليه بحنين
لما أراد دفنه --- اتبارك من جسده --- وحالًا جه أسدين --- سجدوا أمام جسده
وحضروا له مكان --- من بعد الإستئذان --- على ربك اتكلت --- وما إحتجت لإنسان
طوباك طوباك طوباك --- عشت على الأرض ملاك --- الرب إختارك --- لما شاف قلبك
خدمتك الطيور --- ووحوش تخضع بسرور --- دفنتك الأسود --- إسمك صار مزمور
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
طوبك يا حبيب إيسوس --- الرب بخرستوس --- ربحت العشر وزنات --- اللى أعطاك القدوس
الوزنة الأولى --- كان عندك إيمان --- إن الرب الديان --- يحفظ حياتك فى أمان
الوزنة الثانية --- رجاء مع إطمئنان --- الرب يعولك زى --- ماعال شعبه زمان
الثالثة المحبة --- كاملة و محتجبة --- كانت حبة --- كبرت حبة بحبة
الرابعة إحتمال --- عيشة بين الجبال --- مين بس اللى قال --- ده من المحال
الخامسة مارأيت --- حيوان أبدًا وخشيت --- لكنك صليت --- نلت نعمة وقويت
السادسة سلطان --- على الطبيعة كمان --- يا بتول يا طاهر --- بحب إلهك شبعان
السابعة سامع --- وصايا الرب وخاضع --- وإيدك رافع --- جسدك كله خاشع
الثامنة هارب --- واللذات صالب --- وبيسوع غالب --- على كل التجارب
التاسعة ممالك --- تركت لأجل المالك --- فى طريقك سالك --- على قلبك مالك
الوزنة العاشرة --- ما احلاكى يا وحدة --- يا ثمرة حلوة --- لذيذة وطعمة
منذاقك تحلى له --- العيشة فى حاله --- تتحسن أحواله --- ويرتاح باله
+-+-+ ladlamp.com +-+-+
القرار
طوباك يا أنبا بولا --- يا حبيب المسيح --- يا ضياء منير --- وجهك حلو ومريح
صلواتك بلسم --- تشفى القلب الجريح --- وصمتك أقوى --- من كل كلام فصيح
+-+-+ ladlamp.com +-+-+
طوباك طوباك طوباك --- فى السما ويا إلهك --- نلت نعيم هناك --- فرحان مع سيدك
أنبا بولا يا آمين --- أولادك محتاجين --- صلواتك عنهم --- تحرسهم كل حين
طوباك يا أنبا بولا --- يا ساكن المغارة --- صارت سماء ثانية --- بقيت لنا منارة
سيرتك شهية --- سيرة تقية --- --- سيرتك نقية --- لينا منورة
الأنبا بولا أول السواح
نياحة أنبا بولا اول السواح : 2 أمشير
ladlamp
يسعدنا ان نقدم لكم كل ما يخص المحتوى القبطى باستمرار – كما نتمنى منكم دعمنا و تشجيعكم لنا من خلال مشاركتكم و تعليقاتكم على محتوى موقعنا – حتى نستطيع تقديم المزيد بشكل مستمر
فتابعونا دائما على [ ladlamp.com ]
وصلوا لأجلنا .
