ابونا بولس جورج الراعى الصالح : 11 11 2016 ـ بعنوان المسيحى و الايام الصعبة ـ fr Pouls – ~

ابونا بولس جورج الراعى الصالح : 11 11 2016 ـ بعنوان المسيحى و الايام الصعبة ـ fr Pouls -

 

 

 

 

 

 

يقول ابونا بولس مصر امنا كلنا والكنيسة جزء من مصر وكل واحد منا مصرى ومصر بتمر بازمة شديدة جدا فاتورة سنين كتير من اخطاء حدثت فى مصر بنحاول نصلحها وتمن التصليح ده مرهق ومؤلم عشان كدا الناس بدأت تشعر بالقلق وخوف من بكره وخوف من سلع تبقى مش موجودة فاصبح يوجد حالة من الكآبة والاكتئاب وطبعا فى مشاكل لان توجد بطالة والاسعار ارتفعت لذلك سوف نتكلم عن موضوع كيف يواجه المسيحى الايام الصعبة او " المسيحى والايام الصعبة "

• يكلمنا ابونا بولس جورج فى برنامج الراعى عن " المسيحى والايام الصعبة "

ويذكر ابونا بولس خمسة نقاط فى مواجهة المسيحى للايام الصعبة :

1- الايمان :

لابد فى مواجهة الايام الصعبة والظروف الشديدة من الايمان نحن فى ايام صعبة من الممكن اشخاص كتير تقع وممكن ناس تقول فين ربنا لكن لا احد ينجوا الا الذين ايمانهم قوى فى ربنا

مثال ايليا ربنا كان بيبعت له الطعام مع غراب والانبا بولا ربنا اعطاه مياه من الصخرة ومازالت موجودة فى دير الانبا بولا

لذلك ربنا اللى اكلنا وعيشنا فى كل اللى فات وستر علينا هيسترنا فى كل اللى جاى لان احنا لو عزلنا ربنا عن المعادلة هتبقى كئيبة وخسرانة جدا ولكن الايمان برينا يرفعنا فوق الايام الصعبة لان " كل الاشياء تعمل معا للخير للذين يحبوا الله "

بالايمان البسيط  عاش ناس فى ظروف هالكة ومجاعات ولكن ربنا كان معاهم ولم يتركهم لايمانهم وبالايمان والتسليم يجب ان نضع المشكلة فى يد الله ونتركه يعمل ولكن لاننا اصبحنا عقلانيين وماديين اصبحنا لا ننظر الى عمل ربنا والى يده الممدودة لنا وبدون الايمان لانقدر ان نعدى الايام الصعبة والايام الصعبة من حكمتها انها امتحان للايمان

2- الرجولة :

الايام الصعبة محتاجة رجولة لاننا اصبحنا فى جيل مدلع جدا يعنى فى واقعية ان ربنا قلنا ان فى الزمن الاخير هيكون فى ايام صعبة ففى سفر الرؤية الختم الثالث عندما بدء يفتح الاختام قال ان فرس اسود خرج وهذا الفرس اسمه فرس المجاعات وقال ان اكل الفقير هيبقى ليه تمن لذلك يجب ان نتحمل ونكون رجالة فى الوقت الصعب ولكن نحن اصبحنا لا نتحمل الايام الصعبة ونتنازل من اجل مصر لاننا نحن جزء من مصر والرجولة تقتضى منا ان نكون رجالة ولكن نحن اصبحنا نشتكى من اشياء صغيرة وهذا لا يصلح لان لو الزمن جه صعب مش هنقدر نستحمل فيجب ان يكون فينا نوع من انواع الرجولة ونحن اصبحنا لا نقدر ان نستغنى عن الرفاهيات ولكن يجب ان نعرف ان فى اوقات يجب ان نتنازل فيها عن الضروريات الاساسيات ولا ينجوا الا من له رجولة

3- التجرد :

والذى لا يعرف الرجولة لا يعرف ان يدخل فى التجرد لان التجرد هو ان نستغنى ونتنازل عن الاشياء التى ليست من الاساسيات ولا نترك تلك الاشياء تذلنا ولاتحكمنا ولا تاسرنا لكن يوجد اشخاص ياسرها المزاج واشخاص ياسرها الخروجة واشخاص ياسرها الفسح والمصاريف

ويقول ابونا بولس على ايامى اتربينا صيام او فطار ناكل فول الصبح وكانت كل حاجة غالية وكنا فى تجرد لان مصر كانت بتمر بازمة وكلنا كنا بنحس ان مصر تستاهل مش كل واحد فينا يبقى انانى ويفكر فى مصلحته حتى لو مصر غرقت

دى اصبحت مشكلتنا ان انتمائنا لبلدنا اللى زارها المسيح اصبح ضعيف واصبح انتمائنا لذاتنا والتجرد منهج غير موجود فيجب ان نتجرد اختيارى وبارادتنا لان الزمن الصعب لو جه ونحن لا نعلم ما هو التجرد هنعانى جدا جدا

لذلك واقعيا لازم نتعلم يعنى ايه تجرد لان ده مبدأ اسمه مبدأ التجرد لازم نقتنيه فى حياتنا لان حياتنا اقيم من ان اى حاجة تمتلكنا وتسيطر علينا ونكون عبد ليها فيجب ان نتعلم ان نتجرد

4- العطاء :

يقول ابونا بولس ان من ضمن الذين ينجوا فى الزمن الصعب هم الذين يعطوا مثل ارملة صرفة صيدا كانت ارملة ليس لها احد كل ما كان فى بيتها القليل من الدقيق والقليل من الزيت ولكن عندما اتى ايليا عندها قالت هذا رجل الله يجب ان ياكل لانها كانت تعلم انها ستموت هى وابنها ولم تشكوا من الظروف ومن حال البلد والمجاعات ولكن سلمت حياتها برضا بين يد  الله وعملت لايليا كعكة لياكل هو اولا فقال لها ايليا لانك اعطيتى سيصير بيتك يفيض فيه الخير وفعلا كوز زيت المرأة الصغير اصبح يفيض بوفرة وايضا كوار الدقيق لا يفرغ

ولكن نحن عندما نعلم بوجود ازمة نقوم بتخزين وتخبئة الاشياء ولا نعطى شئ لاحد لاننا لانقدر بالايمان نكسر الخوف مفيش مشكلة اننا ندبر ونحوش لكن لازم نفتح ايدينا للمسكين وربنا هيرجع يملاها كل حين

وذكر ابونا بولس مثال المرأة صاحبة الفلسين التى اعطت من اعوازها فهى اعطت كل ما تملك وهذه السيدة اغنى واحدة فى الكتاب المقدس والسيد المسيح مدحها

يقول ابونا بولس وعشان ننجوا من الزمن الصعب لازم نقتنى فضيلة العطاء

5- التوبة :

يقول ابونا بولس الزمن الصعب قد يكون اخر علاج له التوبة لان ممكن يكون بسبب اللى احنا عايشيين فيه ربنا من محبته لينا عشان نفوق بيخبطنا بالزمن الصعب

يقول ابونا بولس احنا فى زمن بتزيد فيه الخطية مثل المخدرات اصبحت تنتشر جدا وايضا الطهارة اصبحت تقل والنجاسة تزيد فى زمنا هذا فالشيطان اصبح مقيد ناس كتير بالنجاسة اللى بتبررها والطهارة والنقاوة موجودة لكن الشيطان يحاصرها ويوقع كل يوم ناس منها فياتى الزمن الصعب عشان ربنا بيقول " ارجعوا الي فارجع اليكم " لان ربنا يريد منا ان نتوب

ويقول ابونا بولس يجب ان نحفظ هذه الشواهد دانيال 9 وعزرا 9 ونحميا 9 فى الثلاث شواهد الذين يصلوا قديسين ولكن كانوا يقفوا امام ربنا ويقولوا " نستاهل اللى احنا فيه واكتر لاننا طلعناك من حسابتنا ونستاهل اللى احنا فيه واكتر لان احنا خناك لاننا نفكر مثل الامم ونتزوج مثلهم ونفعل كل شئ مثل الامم"

• يختتم ابونا بولس موضوع المسيحى والايام الصعبة

ويقول ممكن الانسان ينجوا من الزمن الصعب وربنا ميسمحش لينا بيه لاننا اضعف من اننا نمر بكدا

لازم كلنا نصلى لمصر لان مصر بلدنا حبيبتنا ولكن الاهم اننا نستعد لان لو حدث الزمن الصعب لن نحصل على النجاة الا من خلال التوبة والعطاء والتجرد والرجولة والايمان