ابونا داود لمعى سؤال محيرنى
سلسلة عن الخطوبة حـ5 أنسب الاوقات للخطوبة 23 10 2016
س/ ما هو انسب الأوقات للخطوبة؟
ويرد ابونا داود لمعى انسب الأوقات للخطوبة يكون
1- السن: يفضل ان لا يقل سن البنت عن 18 سنة ولا يقل سن الولد عن 21 سنة حتى يكونوا ناضجين في التعامل ولتحمل مسئولية البيت ولتفادى مشاكل الزواج وده انسب الأوقات للخطوبة ولكن اذا كان السن اكبر من هذا فذلك بسبب الانتظار للانتهاء من التعليم والشغل بعد التعليم وينصح ابونا داود مهما كبر السن لابد من وجود عنصر التوافق في السن بينهم لان فرق السن الكبير يدخلهم في مشاكل نفسية غير مريحة وحتى يكون وقت مناسب للخطوبة
2- مدة فترة الخطوبة: يفضل ان لا تزيد مدة الخطوبة عن سنة حتى لا تحدث مشاكل كثيرة ويمكن ان تبرد مشاعرهم فيحدث فك للخطوبة ولكن لا تقل عن 6 شهور لانهم مش بيكونوا فهموا بعض ولم يكتشفوا شخصيات بعض وانسب أوقات الخطوبة لا يقل عن 6 شهور ولا يزيد عن سنة
وينصح ابونا داود لمعى المخطوبين بان مش لازم يتجوزوا في بيوت كاملة يبدأوا بحاجات بسيطة ويبنوا حياتهم مع بعض لان ظروف المعيشة صعبة فالمهم وجود التفاهم وانهم يكونوا أولاد ربنا
س/ خطيبى بيقول بلاش شبكة ممكن نحط تمنها في حفلة الزواج وشهر العسل؟
يجيب ابونا داود لمعى
في رايى مش مرتاح للكلام ده لان الشبكة هي الحاجة الوحيدة الخاصة بالعروسة نفسها لكن الفرح وشهر العسل دول فرحة للعريس وممكن يكون هنا في كلامك عنصر انانية ولو الشاب استخسر في الشبكة دى علامة مش كويسة لانة ياما مش بيحبها ياما انانى او بخيل والثلاثة اسوء من بعض لان المسيح في لغة الإباء القديسين قدم لينا شبكه بجسده ودمه ودى اغلى حاجة لذلك فكرة الشبكة هي هدية العريس لعروسته فاذا كان العريس عنده إمكانيات وبيفاصل في الشبكة بحذركم ان ده مشروع مش مريح لانه مستخسر الفلوس في هدية العروسة والباقى هو مستفيد فيه
وينصح ابونا داود الشباب فيقول اذا كنتم أمناء في مشاعركم وبصدق بتحبوا شريكة حياتكم متستخسروش في الشبكة ابدا
س/ ما هو الوقت المناسب لتقديم الشبكة؟
يرد ابونا داود لمعى
ممكن يحدث فترة تعارف لمدة 3 او 4 شهور ولكن عن كتابة محضر الخطوبة ونعلن عن الخطوبة لازم يكون في شبكه لان الدبل لا تكلف كثير فيكون الارتباط بالدبل فيه شئ من الاستهتار لان من الممكن بعد فترة 6 شهور يفك الخطوبة ويبقى متكلفش كتير ولكن لو جايب شبكة غالية هيبقى جاد في موضوع الارتباط
وينصح ابونا داود الشباب بان يكونوا صادقين في اتجاهم فالشاب بعد ان يتعرف على خطيبته في فترة تعارف وسال عليها وصلى كويس واخد مباركة والديه والأب الكاهن يبقى خلاص دى هتكون زوجته وميستخسرش فيها حاجة ويجبلها اغلى حاجة ويجب ان يشترى الشبكة من اول الخطوبة
س/ يسال عن الخطوبات ال Online؟
يقول ابونا داود لمعى
يقصد مثل شاب من امريكا خطب من على الفيس فتاة من مصر ويكون التعارف على النت والتليفون
ويقول ابونا داود الحاجات دى تخوف لان التليفون مش كفاية انى افهم الشخص اللى قصادى ولكن لما بتخرجى مع خطيبك بتبقى شايفة لبسه ونظراته واسلوبة وحاجات كتر بتبان بالتعامل لان التواجد اساسى فى اختبار الشخصيات ومدى انسجامهم مع بعض ولكن فى الOnline مش بيفهموا بعض فيها والكلام بيكون سهل ويجعل الاهل ليس لهم دور فى اتخاذ القرار فى الارتباط
وينصح ابونا داود البنات بان لا يرتبطوا بشخص والديهم مش مرتاحين ليه صحيح مش كل الاهالى بيفكروا صح فى اهالى مادية واهالى مش روحانية فى تفكيرها ولكن هذا حتى لا يحدث مشاكل لان احنا فى مصر جواز عائلات
س/ انا مخطوبة لشاب من 4 شهور ولكن احيانا اشعر انى مش مبسوطة وبسال هل انا طماعة؟
يجيب ابونا داود لمعى
انتى محتاجة لقعدة مع اب اعترافك او حد من الارشاد الاسرى عشان يعرف انتى طماعة بجد ولا معاكى حق فى القلق اللى انتى فيه لان فى بنات بتبقى طماعة بيبقى نفسها فى حاجات كتير اوى بيبقة نفسها فى عريس شكله حلو ومرتبه كبير وبيخاف ربنا ونفسها فى عريس اهله مريحينها ويكون هو حنين فاضى ليها فلازم نكون واقعيين مش كل حاجة ناقصة نكبرها وتبقى مشكلة لان لو عايزة كل حاجة هتبقى طماعة ومش هتتجوزى ولو اتجوزتى مش هتبقى سعيدة ولازم تفتكرى عيوبك لان انتى كمان مش انسانة كاملة
وينصح ابونا داود البنات انكم لو مش مرتاحين فى الخطوبة انكم تتراجعوا لان الزواج لمجرد الزواج وخلاص هذا انتحار لان طول مانتى مش سعيدة فى الخطوبة طوال الوقت فى نكد مستمر لازم تتوقف وتتراجعى متكمليش لانك هتعيشى تعيسة طول العمر لانه مش هيتغير
س/ اهلى مش مرتاحين ووافقونى على الخطوبة وبقالى 3 شهور ولسة حاسس انهم مش مرتاحين؟
يرد ابونا داود لمعى
افضل انك تقعد مع والديك وتسالهم انتم مش مرتاحين ليه وتناقشهم وتسمعهم مش تدافع على طول لان ساعات بيكون فى شاب مغيب ومش بياخد باله من عيوب خطيبته لكن اهله بيبقوا شايفين العيوب دى وبيقولوا عليها واحيانا تانية بيبقى فى سوء تواصل بين الاهل وخطيبة ابنهم ولكن لما بيعرفوا بعض كويس بيحبوها جدا
وينصح ابونا داود بان يقوم الشاب بالتقارب بين اهله وخطيبته ولا يعزلها عنهم حتى لا يسيئو فيها الظن