ابونا بولس جورج الراعى الصالح سلسلة بعنوان معرفة الله - الجزء الاول - 16 9 2016 ـ fr Pouls -
ابونا بولس جورج الراعي الصالح سلسله
بعنوان معرفه الله الجزء الاول 16/9/2016
طرح ابونا بولس جورج في بدايه عظته سؤال ازاي نعرف ربنا ؟ وما هيه وسائل معرفه ربنا الحقيقيه؟
- المصدر الاول لمعرفه ربنا الكنيسه :- يقول عنها بولس الرسول عمود الحق وقاعدته pole of the ground of the truth مفيش حد يقول المسيح مين غير الكنيسة اللي ربنا اداها السلطه authority والفهم والمصدر الوحيد المؤتمن , وشبه ابونا بولس جورج الكنيسه بالخاطبه اللي مهمتها تتكلم عن العريس والكنيسه شافت المسيح واول مصدر للتعليم من اول القديس اسانثيوس الي مدرس مدارس الاحد ويقول عنها نشيد الانشاد اذا كنتي متعرفيش المسيح فين امشي ورا اثار الغنم follow footsteps of sheep .
ويقول ابونا من خلال الراعي الصالح ان الكنسيه فيها ناس حبت ربنا حتي الموت لدرجه انها سابت الارض زي الانبا انطونيوس والانبا بولا وكما يقال في القسمه سكنوا في شقوق الجبال من اجل عظم محبتهم في المسيح .ومهما كبرت هاتضل الكنيسه شريان تسليم المسيح ليك واللي يبعد عن الكنيسه بحجه انه كبر او انه اخد بكالوريوس في العلوم الاهوتيه وفاكر انه فاهم ومش محتاج لازم المسيح مع الوقت ها يتطفي جوه قلبه .... الكنيسه بتفكرك بوصاياه وبصفاته والفضيله المطلوبه منك وزي ماقال القديس اوغسطينوس لاخلاص خارج الكنيسه وينبه ابونا في عظه عن معرفه الله ويقول اوعوا يا اولاد الكنيسه تكون secondary في حياتك لازم تفضل هيه بيتك ومن غيرها هاتضيع ومفيش حد كبير علي انه يضيع .
- تاني مصدر لمعرفه الله الجلوس معه (المخدع):- ويقول ابونا بولس جورج مهم جدا نتقابل مع المسيح كل يوم علشان يعلن لك عن ذاته حته حته واوعي تقول مفيش وقت not acceptable لان وقتك كله ملكه هو,, وضرب ابونا مثال عن شاب يعرفه بيشتغل في بنك ينزل من البيت في السادسه صباحا ويرجع البيت الثامنه مساء ويلعب شويه مع اولاده وينام الساعه 10 مساء واحيانا كتير كان الشاب دهب ينام بالقميص والبنطلون من كتر التعب فقلقت عليه وسالته صلاتك فين ؟ قالي اطمن ياابونا انا بصحي الساعه 4 الصبح اخد دش وبعدين اقعد مع ربنا ساعه وربع كامله اقرا في الانجيل واقول حته من التسبحه وترنيمه بحبها معرفش ياابونا انزل من غير القعده معاه اللي باخده منه هو اللي بيعيشني طول النار لغاية ما أقابله تاني يوم ... د هانا بقول علي شوق ما احلي القعده وياه .
ويعلق ابونا ويقول الناس دي عارفاه وانت you have the same right او بصوره تانيه من حقك انك تعرفه بس انت اللي مقصر يعني انت مش عاوز تعمل كده ولو انت عايز تعرفه he is available - he is their waiting لو انت مكسلتش ومتحججتش هو مستنيك ارجوك خد الفرصه ومتضيعهاش , في ناس عايزه واللي عايز بيلاقي لكن لما تقول مش قادر ومفيش وقت يبقي انت مش عايز بدليل من كذا سنه كان في كاس عالم في الارجنتين وبسبب فرق التوقيت الماتشات كانت تبدأ1- 3-5 صباحا كل المصريين كانوا بيحضروهم وراء بعض وبعدين ينزلوا الشغل ..قابليه غير مفهومه جابوا ال energy دي منين ,لكن في الصلاه التعب كله يحل علينا .ثم عاد ابونا بولس جورج في عظته عن معرفه الله الي المخدع وقال عنه المسيح اغلق الباب وانا هاسميها اغلق الباب واربط الكلاب لو عايز تقعد مع رنا في خمس كلاب شرسه هاتدخل معاك قاعده تهوهو بصوت عالي ولو غفلت عنها هاتعضك وعلشان تعرف تقعد معا الخمس كلاب لازم تربطهم .
1- الكلب الاول اسمه الفكر :- كلب متعب قوي مشكلته انه لايتوقف يعني لوطلبت من اي شخص انه ميفركش لمده خمس دقايق وياخد نصف مليون في الخمس دقايق هايفكر ازاي ميفكرش .
كلنا عندنا فكر يقلقنا ويتعبنا وطول النهار بنتكلم مع انفسنا .... يتسأل ابونا هل كده انت حليت مشكله ؟! لاء , بدل ماتاخد وتدي مع الفكر خد الفكر واديه للمسيح – اي فكر يتعبك او يضايقك اوسؤال ملهوش اجابه حوله الي صلاه ؛ لما تتكلم مع نفسك هاتتغم لكن لما تتكلم مع ربنا هاتتطمن .
طول ماانت بتصلي انت بتكشف قلب الله وهاتعرف صوت الله وهايقولك مشيئته ايه .
2-الكلب التاني كلب الخيال:- تلاقي الواحد وهو بيصليويتكلم مع ربنا تلاقي خياله رايح جاي واتفسح وركب الاتوبيس النهري ورجع وبعدين يخرج يقول مش عارفه ليه بصلي ومش بخرج بحاجه؟ ...نعم ؟!وهو انت كده صليت علشان تخرج بحاجه وده بيسموه احلام اليقظه (daydream) وده يخليك قاعد في دنيا تاني خالص ..... نعمل ايه في الخيال ؟ ويجيب ابونا بولس نوقفه لانك كدهدخلت في حروب التشتيت ,اتشتت من فكره لفكره ومن محطه لمحطه وابتدي معاك حلم اليقظه .
علشان كده مهم قوي نتعلم ما علموه لنا الاباء انتهروا الفكر stop it وتقدم توبه وتقول ارجع اركز فيك يارب مش عاوز اخرج غير لما اعرفك .
3 – تالت كلب كلب الرغبات :- في حاجه بتشدني من القعده مع ربنا زي لما ابتدي اقرا في الانجيل اوقف قرايه علشان اعمل فنجان قهوه – في رغبات ودي بتبقي حاجز بيني وبين ربنا والرغبات دي ممكن تكون عواطف وممكن تكون صغيره جوه الانسان بس مع الزن تكبر.الرغبات والعواطف جوه الإنسان وحب الخطية يبتدي صغير ومع الوقت بيكبر لكن لوقدمت توبه من اول لحظه تقدر تتخلص منها لكن لو سبتها مش هاتقدر عليها .
والكلب دهب يعرف يعض فين بيعرف الاحتياج فين ويهوهو عليه بصوت عالي.
4- الكلب الرابع اسمه الجسد :- وده تقسي عليه متدلعهوش زي مدرب الاسود يدخل القفص ومعاه عصايه وكرباج ومسدس لان الاسد لو غفلت عنه هاياكلك .
الكلب الرابع ده اسد يجول ملتميا من يبتلعه ولو الاسد ده تمرد عليا اقتله علشان اعيش , في حاجه اسمها الايماته في المسيحي هازاي تموت جسدك وتخليه طوع ايديك لان يا اما انت اللي تسوقه او هو اللي يسوقك ملهاش حل , واولاده الكسل والتأجيل والدلع ودول لو سكت عليهم هايعضوك ويبهدلوك.
5- اخر كلب الشيطان:- حروبه شديده جدا وضرب ابونا مثال لفتاه بتعترف عنده واعطاها قانون روحي انها تقرا في الانجيل وتفكر في الايات ... واول ما بدات تعمل كده جتلها حروب شديد هدا من شده الحروب دي بطلت تقرا في الانجيل , اول ماتقرا في الانجيل يجيلها الشيطان في حروب شتيمه في رب المجد يسوع وتسمع الشتيمة جوه دماغها وهيه معتقده انها مسؤله عن الشتيمه دي وجائتني في انهيار وقولتلها ده الشيطان ..الشيطان نفسه يربكها وخلاها بطلت تقرا قولتلها ياخيبتك .
بولس الرسول قال قاوموا ابليس فيهرب منكم . اوعو تتهزوا كملوا , الشيطان حروبه شديده لكن ربنا ربطه بسلسله كويس جدا وده بيطمني .
والخمس كلاب دول لو مربطهمش مش هاتعرف تقعد مع ربنا ولو مقعدتش مش هاتعرفه ولو معرفتهوش مش هاتعرف مشيئته ولا صوته في حياتك .
*أزاي ننمو في معرفه المسيح ده هانعرفه في المره اللي جايه .
